"Perttulin perästä
ei lähe halla haolta,
eikä kaste kalhveesta.”
Eikös Pertun päivä ollu jo menheenä lauantaina. Soon ollu ennen Pekka Poutaa nuita varmoja säätietoja suomalaisila. Syksyn tuloa se tietekki meinaa tämä värsy.
Jokhaan tämä komea kesä viiminki loppuu. Mulle noon aina olheet pääskyset tietona kesästä ja syksystä. Miehään kirjotin jo kevväilä, ko pääskyset kiersit kartanolla, että nyt on kesä.