Sá­me­nuo­raid dáid­dadáhpá­hu­sa neaht­tasát­ta – Čuovo áv­vusád­da­ga bear­ja­da­ga 12 rájes


Dáiddadáhpáhusbargi Unna-Maari Pulska sávvá ahte máŋgasat čuvvot sáddaga.
Dáiddadáhpáhusbargi Unna-Maari Pulska sávvá ahte máŋgasat čuvvot sáddaga.
Kuva: Sámediggi

Sámediggi bovde čuovvut diibmosaš Sámenuoraid dáiddadáhpáhusa neahttasáddaga bearjadaga 17.4. dmu 12 rájes.

– Go dán jagi ii lean vejolaš deaivvadit de leat čohkken govat, teavsttat, filmmaid ja filbmabihtážiid Sámenuoraid dáiddadáhpáhusas 1990-logus gitta dán beaivvi rádjái, muitala Unna-Maari Pulska ávvusáddaga birra.

Siiddus gávdná suohtas dáiddadáhpáhusmuittuid ja oahpes sámeartisttaid

– Máŋggat dálá sámi dáiddárat lea váldán vuosttas lávkkiid dáiddadáhpáhusas. Dáiddárat muitalit filbmadearvvuođaid bokte maid dáiddadáhpáhus lea sidjiide mearkkašan.

Siidu dievasmahttojuvvo ja ođasmahttojuvvo ain.

– Govat leat boahtimin eambboge, de lea vejolaš muittašit dáiddadáhpáhusaid goit 30 jagi maŋos guvlui, lohká Pulska.

Lágideaddjit leat mearridan ahte sátta vurkejuvvo vai dan sáhttá geahččat maŋŋel gihtii.

Neahttasátta lea seammá dáiddadáhpáhusa historjásiidduid rahpandoalut.

Sámenuoraid dáiddadáhpáhusa historjásiidduid leat bargan dáiddadáhpáhusbargi Pulska lassin neahttabuvttadeaddji Eeva Mäkinen, skuvlenčálli Ulla Aikio-Puoskari ja oahppamateriálaplánejeaddji Anni Näkkäläjärvi.

Siiddus leat teavsttat buot golmma sámegillii ja suomagillii.

Guovttebeaivásaš dáiddadáhpáhus livččii lágiduvvon Anáris Sajosis ja Rivdolis Vasatokkas 15.-16.4.

Čuovo sáddaga čujuhusas saamelaisnuortentaidetapahtuma.com.


Ášši ođasmahttojuvvon 12.57. Árat muitaleimmet ahte lágideaddjit eai lean mearridan sáhttágo sáddaga geahččat maŋŋel gihtii. Lágideaddjit lea das rájes mearridan ahte sátta vurkejuvvo ja dan sáhttá geahččat maŋŋel gihtii.

Mikä?

Saamelaisnuorten taidetapahtuman juhlalähetys

  • Saamelaisnuorten taidetapahtumaa juhlistetaan perjantaina 17.4. verkossa tunnin kestävällä lähetyksellä klo 12 alkaen.
  • Sivustolle on koottu kuvia, tekstejä ja videoita Saamelaisnuorten taidetapahtumasta 1990-luvulta tähän päivään saakka.
  • Saamelaiset taiteilijat kertovat videotervehdyksissään mitä taidetapahtuma on heille merkinnyt.
  • Lähetys osoitteessa saamelaisnuortentaidetapahtuma.com.