Olen ollu kolmen viikon kesäluala pitkästä aikaa. Varhmaan parikymmentä vuotta sitten viimeksi lommailu tällä laila. En ole varma, mutta saattaa olla, että jou’un jatkhaan tätä vielä viikon eli kaks, mitä nyt muutamia välilaskuja tehen tänne konttohriin niinko nytki.

Jäin hunteeraahmaan tuota sannaa lupa, joka vissiin on lainaa ruottin kielestä, jossa se on vieläki virallisessa käytössä: on sommarlov, jullov ja vielä påsklov ja älgjaktslov taikka höstlov.