Mikkel Näk­kä­lä­jär­vi ávžžuha mui­ta­lit Jiekŋa­mea­ra ruov­de­geain­nu váik­ku­hu­said birra

Stáhtaráđđi dieđihii, ahte dat joatká Jiekŋameara ruovdegeainnu čielggadeami Girkonjárgga-oktavuođa vuođul. Ministtar Berner oaidná, ahte ruovdegeaidnu buoridivčče máŋgga davviguovllu ealáhusa eavttuid.

Roavvenjárgga gávpotstivrra lahttu Mikkel Näkkäläjärvi (sdp) mielas lea čielggas, ahte ruovdegeaidnu vahágahtášii máŋgga ealáhusa davvin ja ovddidivčče dálkkádatrievdama.

–Mus lea kritihkalaš oaidnu Jiekŋameara ruovdegeaidnofidnui, daningo das livčče duođalaš váikkuhusat sámiid árbevirolaš ealáhusaide ja dálkkádatrievdama dustemii.

Näkkäläjärvi mielde jiekŋameara ruovdegeaidnu lea iešalddes fidnu, mii ovddida árktalaš oljobohkama. Jos mii háliidit dustet dálkkádatrievdama, eat sáhte leat lasiheamen oljobohkama eandaliige árktalaš guovllus. Son gáibidage ahte jiekŋameara ruovdegeainnu guottiheaddjit galggašedje muitalit maid rehálaččat, ahte guottihitgo sii oljobohkama lasiheami.

Son ávžžuhage olbmuid dál váikkuhit.

–Dál ii leat vel dahkkon loahpalaš mearrádusat, de ávžžuhan muitalit konkrehtalaččat, mo ruovdegeaidnu váikkuhivčče.

Fitnodatmáilmmis guottihit Jiekŋameara ruovdegeainnu, daningo Barentsábis lea guokte geardde eanet olju ja gássa go ledje ovdal jáhkkán.

Muhto iigo Näkkäläjärvi háliit junán johtit Anárii?

–Lea čielggas ahte ruovdegeaidnu ii leat nuge olbmuid johtolaga várás, muhto čielgasit ruvke-, meahcce- ja oljobohkanintreassaid várás.

Viiddes oainnu mielde Jiekŋameara ruovdegeaidnu ii vealttakeahttá leat ekonomalaččat gánnehahtti. Tuomas Kiiski nákkáhalai jagis 2017 ja su nákkosgirjji mielde Davvenuortajohtolagas boahtá leat unnán ráktajohtolat Eurohpa ja Ásia gaskkas vel guhkká.

Maiddái Rambolla ruovdegeaidnočielggadeamis dadjet, ahte obalohkái ruovdegeaidnooktavuođa sáhttá atnit goluid dáfus gánnátmeahttumin, go veardida dasa man olu ruovdegeainnus lea fievrridandárbu dálá dieđuid mielde.

–Áššedovdit cuiggodit Jiekŋameara ruovdegeaidnofidnu gánnáhahttivuođa garrasit. Jos ruovdegeaidnu illá lea gánnehahtti, nu ferte jearrat, ahte manin dát fidnu de veagal ovddiduvvo? gažada Näkkäläjärvi.

Su mielas golmma miljárda euroi gávdno sihkkarit earáge atnu go ruovdegeaidnofidnu, mii gánneha funet, ovddida dálkkádatrievdama ja hehtte sámiid árbevirolaš eallinvuogi. Sámiid árbevirolaš ealáhusat eai leat dušše bargu, muhto oassi sámi kultuvrra ja eallinvuogi.

Loga maid:

Mikkel Näkkäläjärvi: Jäämeren rata edistäisi arktista öljynporausta ja haittaisi saamelaisten perinteisiä elinkeinoja (11.3.2018)

Tiina Sanila-Aikio: Jäämeren rata olisi täysi katastrofi saamelaisille (9.3.2018)

Tästä on kyse

Näkkäläjärvi: Kertokaa jäämerenradan vaikutuksista

Rovaniemen kaupunginvaltuuston jäsen Mikkel Näkkäläjärvi (sdp) suhtautuu Jäämeren ratahankkeeseen kriittisesti, koska sen seuraukset saamelaisten perinteisille elinkeinoille ja ilmastonmuutoksen torjumiselle olisivat vakavat.

Päätöksiä ei ole vielä tehty, joten hän kannustaa ihmisiä konkreettisesti kertomaan jäämerenradan vaikutuksista.