Ko­ro­na­vi­rusái­go­dat hástá­leadd­ji hár­je­hal­la­mii - Dehálaš aŋkke lih­ka­dit

Peršovnnalaš hárjeheaddji I¿gá Márjá Sarre muittuha, ahte lea dehálaš doalahit dearvvaslaš eallindábiid koronavirusepidemiijá áigge.
Peršovnnalaš hárjeheaddji I¿gá Márjá Sarre muittuha, ahte lea dehálaš doalahit dearvvaslaš eallindábiid koronavirusepidemiijá áigge.
Kuva: Anne Katja Gaup

– Lášmmohallama ii gánnát guođđit vaikko mii eallit koronavirusdilis, deattuha peršovnnalaš hárjeheaddji Ingá Márjá Sarre.

Lášmmohallan váikkuha positiivvalaččat olbmo dearvvašvuhtii ja lokte beaivválaš čálggu. Juos olmmoš fahkka heaitá lihkkadeamis, dat váikkuha njuolga psyhkalaš ja fysálaš veadjimii.

Máŋggat dearvvašvuođa ja lášmmohallama áššedovdit ávžžuhit dál lášmmohallát olgun luonddus daningo hárjehallánbáikkiin, gos leat eambbo olbmot oktanaga, soaitá koronavirus njoammut beaktileabbot.

Nuppástuvvon hárjehallanvuogit

Hárjeheaddji Ingá Márjá Sarre lohká ahte olbmot galggašedje leahkit buhtis olgoáimmus ja beaivečuovggas unnimusát diimmu juohke beaivve.

– Dál lea hui buorre goaivut muohttaga olgun, vázzit, viehkat dahje čuoigat meahcis. Dat lea erenomáš dehálaš dál vuoi olbmot eai šlundo go šaddet leahkit nu olu siste ruovttukántuvrrain- ja skuvllain.

Go čohkkát olu, de gánnáha dahkat gievrrudanhárjehusaid ja erenomážit muitit gievrrudit čoavjedehkiid. Interválla-hárjehallán lea maid hui ávkkálaš. Das mii lonohallat vuoruid mielde njoazes ja jođánis hárjehallántempo. Intervállaid sáhttá dahkat 3-4 minuhta syklain.

Sarre lea bargan peršovnnalaš hárjeheaddjin jagi 2012 rájes. Son lea aktiivvalaš taek wondo-dáistalanslájas ja doallá maiddái joavkkohárjehallamiid. Koronavirusa dihte son lea šaddan sirdit iežas hárjehallamiid live-stream reaiddu bokte internehtii.

– Dasá eai leat olbmot hárjánan, muhto lea áidna vejolašvuohta bagadallát dál kunddariid.

– Neahtas gal gávdnojit juohkelagán hárjehallanprográmmat, muhto gánnáha geahččat ahte daid lea ráhkadan ámmátolmmoš, muittuha Sarre.

– Lea dehálaš muitit dahkat hárjehusaid riekta ja ainnas dakkár hárjehalli bagadusas geas lea virggálaš skuvlejupmi ja gelbbolašvuohta. Juos leat eahpesihkar mo galgá hárjehallát, de gánnáha jearrat lášmmohallansuorggi áššedovdiin veahki.

Dehálaš fuolahit borrandábiin

Lášmmohallama lassin kvaliteahta borramuš ovddida buresveadjima.

– Don leat maid don borat, váruha Ingá Márjá Sarre. Son avžžuha ráhkadit borranplánaid ja ohcat dearvvaslaš biepmoneavvuid vaikko neahtas.

– Árbevirolaš biepmut leat dearvvašlaččat. Jávreguolit, bohccobiergu, varra, gumpposat ja liepma, Sarre namuha.

– Go plánet mállásiid, de lea buorre muitit geavahit olu ruotnasiid, muhto unnidit buđehiid. Karbohydráhtaid nugo nisojáfuid gánnáha garvit ja geavahit dan sadjái hávvarjáfuid, kinoajáfuid dahje mándeljáfuid. Ja muđuige livččii buorre viežžat biepmoávdnasiid lagasbirrásis, neavvu Ingá Márjá.

– Vitamiinnat leat hui dehálaččat dál koronavirusáigodagas. Dain leat antioksidánttat mat  gievrrudit immunitehta virusaid vuostá.

Máŋggat hárjehallanbáikkit giddejuvvon

Suoma hálddáhus lea rávven giddet hárjehallanbáikkiid, muhto ii leat ásahan dievasgielddusa. Gielddaid ja gávpogiid hárjehallánbáikkit ja vuojadanhállet leat giddejuvvon, muhto máŋggat priváhta fitnodagat dollet ain uvssaid rabas.

Mikä?

Koronavirusepidemia asettaa haasteita liikuntaharrastuksiin

  • Henkilökohtainen valmentaja Inga Marja Sarre kehottaa ihmisiä liikkumaan koronavirus-epidemiasta huolimatta.
  • Sarre neuvoo ihmisiä liikkumaan ulkona: tekemään lumitöitä, hiihtämään, kävelemään ja juoksemaan.
  • Hän muistuttaa terveellisen ruuan tärkeydestä ja tarvittavien vitamiinien saannista virusaikana.
  • Inga Marja suosittelee perinteisiä saamelaisia ruoka-aineita niiden terveellisyyden vuoksi: poronlihaa, veriruokia, liemiä ja kalaa.