Ko­ro­na­vi­rus dagaha šluht­te­ju­miid maiddái Sámis

Virusa leavvamis leat stuora váikkuhusat dán giđa lágidemiide.

Guovdageainnu beassášfestivála lágideaddjit leat dieđihan, ahte dán jagáš beassášdoalut eai čađahuvvo nu mo ledje plánejuvvon cuoŋománu 8.-12. beaivve. Festivála háliida leahkit mielde eastadeame koronavirusa (covid-19) leavvama. Lágideaddjit áigot árvvoštallát sáhttetgo sirdit Sámi Grand Prix-gilvvu eará áigodahkii.

Árbevirolaš konfirmašuvdnadoalut Guovdageainnus maŋiduvvot borgemánnui. Visot Guovdageainnu girkut lea giddejuvvon cuoŋománu lohppii. Mearrádusat leat dahkkon Norgga Álbmotdearvvašvuođa eisseválddiid ávžžuhusaid vuođul. Daid mielde ii leat lohpi lágidit dáhpáhusaid dahje doaluid main leat eambbo go 100 oasseváldi.

Kárášjoga beassášfestivála festiválajođiheaddji Kenneth Eliassen muitala Lapin Kansa Ságaide ahte sii ráđđádallet suohkandoaktáriin doaluid šluhttejumi birra. Sin bealis virggálaš diehtu ii leat vuos boahtán, muhto bohtet árvvoštallat ja almmuhit dan jođáneamos ládje.

Maiddái Eurohpa unnitgielaid Liet International-lávlungilvu lea šluhttejuvvon seamma sivas go Guovdageainnu beassášfestivála. Saara Hermansson, gii vuittii diimmá Sámi Grand Prix-lávlunoasi lei dieđihuvvon gilvui. Dat galggai dollojuvvot Dánmárkkus cuoŋománu 3.-4. beaivve.

Heahtá Musihkkabeivviid lágideaddjit vurdet ain vástádusa Dearvvašvuođa- ja buresbirgenlágádusas (THL). Festivála prográmmii cuoŋománu 4.-12.4. eai leat vuos boahtán rievdadusat.

Buot koronaođđasiid gávdná dáppe:

https://www.lapinkansa.fi/koronavirus

Mikä?

Koronavirus peruu kevään saamelaistapahtumia

  • Kautokeinon perinteiset pääsiäistapahtumat peruuntuvat koronaviruksen vuoksi.
  • Kevään rippijuhlat on siirretty elokuuhun, koska Kautokeinon kirkot pidetään kiinni huhtikuun loppuun saakka.
  • Kaarasjoen pääsisäistapahtumien ja Hetan musiikkipäivien tapahtumatuottajat odottavat vielä viranomaisten vastauksia.