Pekanpäähän oli kuulutettu papin seurat. Net ei olheekhaan aivan tavaliset seurat, ne olit papinseurat. Seuroja järjestethiin siihen aikhaan ussein. Ne piethiin ylheesä isoissa taloissa. Tykättyjä ihmisiä olit emänät ja isänät, mutta puhujat olit saarnamiehiä, usseinki vissiin maanviljelijöitä. Ei mithään koulunkäyhneitä niinko konsulentit ja opettajat. Het olit oikeasthaan kutsumustyössä Jumalan sannaa julistamassa, siunattuja siihen virkhaan.