Olekko sattunu koskhaan olheen semmosessa tilantheessa, että useampiki ihminen istua könöttää samassa huohneessa ja kukhaan ei poka porise yhthään mithään. Hiljasinna siinä kökötelhään ja istuskelhaan.

Osa vahtaa tyijhää seinää, että kerrala päisevä maalari on ollu sutimassa. Toiset syynäävä muka tähelisesti laattialistoja, että hyvin son vain  tuohonki jatkokappale saumattu, jo vain.