Suoma riikkabeivviid vuođđoláhkaváljagoddi evttoha, ahte Meahciráđđehusláhkii galggalii váldit ruovttoluotta dasa mannan válgabajis evttohuvvon sámeparagráfaid.
- Vuođđolága sámeparagráfaide (17.3 § ja 121.4 §) ja daidda guoskevaš váljagotti mearridangeavat sihke riikkaidgaskasaš olmmošriektegohcciorgánaid ávžžuhusat bealuštit dákkár njuolggadusaid ásaheami Meahciráđđehusláhkii, oaivvilda Vuođđoláhkaváljagoddi iežaset cealkámušas mii addojuvvo eanan- ja meahccedoallováljagoddái.
Dát sámeparagráfat mat ledje ovddit ráđđehusa evttohusas Meahciráđđehusláhkan sisttisdolle stáhta eatnamiidda ja čázádagaide guoskevaš plánengeatnegasvuođa ja sámekultuvrra heajudahttingildosa. Loahppajagis 2015 riikkabeivviide dolvojuvvon ođđa Meahciráđđehusláhkaevttohus ledje dát sámeparagráfat guđđojuvvon eret.
Vuođđoláhkaváljagodd i gidde cealkámušastis maid fuomášumi, ahte ILO 169 -soahpamuša gieđahallan lea vel jođus riikkabeivviin ja ratifiserenevttohus sisttisdoallá daid Meahciráđđehusláhkii evttohuvvon sámeparagráfaid. Vuođđoláhkaváljagoddi fuomášahttá maid ahte sámiid ruovttoguovllu eatnamiin badjel 90 % lea Meahciráđđehusa vuolde ja dan dihte Meahciráđđehusa doaimmaid mearkkašupmi lea earenomáš stuoris sámiid vuođđolágas dorvvastuvvon rivttiid ja sámiiiid kulturiešstivrejumi dáfus.
- Go váldá dán vuhtii, nu lea hui ártet, ahte sápmelaččaid rievttit eai leat ođđa ráđđehusa evttohusa ákkastallamiin gieđahallon ollenge, cealká Vuođđoláhkaváljagoddi.
Ovttastuvvan našuvnnaid (ON) álgoálbmotrivttiid sierraraporterejeaddji Victoria Tauli-Corpuz moittii Suoma mannan jagi bealde das go sámeparagráfat ledje guđđon eret Meahciráđđehuslágas. Sierraraporterejeaddji oainnu mielde Suoma stáhta lei rihkkon lága ođasmahttinproseassas ON álgoálbmogiid rivttiid julggaštusa.
PeV: Saamelaispykälät takaisin
Perustuslakivaliokunta (PeV) ehdottaa lausunnossaan, että saamelaispykälät otettaisiin takaisin Metsähallituslakiin.
- Perustuslain säännökset ja niitä koskeva valiokunnan käytäntö sekä kansainvälisten ihmisoikeusvalvontaelinten kannanotot puoltavat tällaisten säännösten sisällyttämistä lakiin. On varsin erikoista, että saamelaisten oikeuksia ei ole hallituksen esityksen säätämisjärjestysperusteluissa lainkaan käsitelty, lausuu PeV.