Dát ii leat vuosttas geardi go sápmelaččat ja stáhtat geahččalit gávdnat soabalašvuođa eana- ja čáhcevuoigatvuođaid birra. Ságastallama stivre dál sámi jienastuslohkui beassán eaige eana- ja čáhcevuoigatvuođat.
Sáhttágo sámesoahpamuševttohus čoavdit dan maid ILO 169 soahpamuš dahje Hannele Pokka jođihan sámedoaibmagotti smiehttamuš 2001 eai? Dalle sápmelaččat eai guottihan sámedoaibmagotti smiehttamuša. Leago dál maid vejolaš ahte sámediggi ii doarjjo ja dohkket sámesoahpamuša?
- Dat lea okta vejolašvuohta, mieđiha sámedikki ságadoalli Tiina Sanila-Aikio .
- Muhto dan árvvoštallama várás sámi servodat dárbbaša loahpalaš soahpamuševttohusa, vai sáhttit ságastallat albma láhkai, joatká Sanila-Aikio.
Vaikko kansliijahoavda Hannele Pokka ii loga čuvvon sámesoahpamuša ráđđádallamiid, su mielas lea goit buorre go logi jagi bistán ráđđádallamiin lea dál boađus.
- Máŋggat dehálaš ja hástaleaddji áššit báhcet ain sisriikkalaččat čoavdin láhkai, maid geahččagohtet dalle go sámesoahpamuša álget dárkkálmahttit našuvnnalaččat, kommentere Pokka.
Su mielde ferte ain čoavdit dan, makkár sajádaga háliidit addit Meahciráđđehusa golmma davimus gieldda ráđđádallangottiide soahpamuša ollašuhttimis. Lassin sápmelaččaid árbevirolaš ealáhusaid birra čovdojuvvo nášuvnnalaš lágas.
Lappi riikkabeaiveáirras Johanna Ojala-Niemelä mielde sámesoahpamuša dohkkehanproseassa lea oalle jođán, go plána mielde soahpamuša vuolláičállin lea juo guovvamánu álggus.
- Go meroštallanášši leamaš váttisvuohtan, de málle viežžan Norggas orru erenoamáš čoavddus, imašta Ojala-Niemelä.
Su mielde ášši lea ráđđehusa hálddus ja son háliida oaidnit vuos loahpalaš soahpamušteavstta ovdalgo árvala eanet.
Ovddeš riikkabeaiveáirras Esko-Juhani Tennilä lohká ahte sámeáššit ledje sutnje dehálaččat.
- Sámeáššiid ovddideapmi lei hui váttis, šuohkiha Tennilä.
Son ozai dalle aktiivvalaččat dieđuid, riŋgii áššedovdiide ja válddii áššiid birra vuđolaččat čielgasa. Tennilä lea čuvvon sámeáššiid ja lohká ahte lei heahpat go ILO 169 soahpamuša gieđahallan bisánii giđđat 2015.
- Mu mielas riikkabeaiveságastallamiin sápmelaččaid ovdduid liiggástalle dihtomielalaččat, beaškala Tennilä.
Son sávvá ahte dán háve bissot áššálaš dásis ja sámi álbmoga boahttevuohta dorvvastuvvo.
Kiistellyt asiat ratkaistaan kansallisesti
Puheenjohtaja Tiina Sanila-Aikion mukaan saamelaisyhteisö kunnon keskustelu sopimuksen hyväksymisestä tai hylkäämisestä voidaan käydä, kun sopimusteksti julkaistaan.
Kansliapäällikkö Hannele Pokan mukaan monia tärkeitä ja pitkään kiisteltyjä asioita jää kuitenkin tulevan, sopimusta täsmentävän kansallisen lainsäädännön varaan.
Kansanedustaja Johanna Ojala-Niemelä pitää prosessia nopeana, mutta haluaa nähdä sopimustekstin ennen kuin kommentoi lisää.
Entinen kansanedustaja Esko-Juhani Tennilä toivoo että tulevissa keskusteluissa pysytään asialinjalla.