Álgoálbmogiid musihkkadáhpáhus Ijahis idja lágiduvvo dán vahkuloahpa 19.–21.8.2016 Anáris. Musihkkadáhpáhusa váldoartistan lean dán jagi Sofia Jannok čuojahanjoavkkuinis.
- Jannok lea boahtán musihka lassin dovddusin sápmelaččaid rivttiid nana bealušteaddjin ja aktivistan. Son lea ieš dadjan, ahte musihkka lea su vuohki figgat rievdadit áššiid, muitala Ijahis idja dieđáhusastis Jannok birra.
Dán jagi festiválalávddis kulturguovddáš Sajosa šiljus leat konsearttat vuosttas geardde sihke bearjadat- ja lávvardateahkeda. Modearna sámemusihka njunušnamain earret eará Ylva čuojaha bearjadaga ja Ágy vuohon lávvordaga.
Dán jagi ođđa áššin leat sámi valáštallangilvvut, mat dollojuvvojit sihke bearjadaga ja lávvordaga diibmu 19.30–21.00. Bearjadaga lea suohpan sprint -gilvu ja lávvordaga njoarostangilvu. Bearjadaga álgoeahkedis Sajosa auditorias lea Giron Sámi teáhtera čájálmas Doala Dolat Heakkas.
Ijahis ija mánáid- ja nuoraidbeaivi dollojuvvo bearjadaga. Iđitbeaivve prográmmas lea máinnaskonseartta Krokotiili Kwento ja yhteisen äänen metsästys. Dan lassin Sajosa auditorias čájehuvvojit oanehisfilmmat ja animašuvnnat. Iđitbeaivvi prográmma lea oaivvilduvvon ovddalgihtii ilmmuhan mánáide ja nuoraide. Gaskabeaivvi maŋŋel diibmu 13.00 álgá Sajosa šillju olgolávddis Ijahis ija násttážat -konsearta, mas loaiddastit mánáid ja nuoraid iežaset joavkkut sihke anárlaš rap-artista Amoc. Konsearta gullo njuolggosáttan Yle Sámi Radios. Amoc loaiddasta maid bearjadateahkes Sajosa šiljus.
Ijahis ija konsearttaid sáhttá čuovvut njuolggosáttan interneahta bokte. Sátta álgá bearjadaga 19.8. diibmu 19.30.
Lávvordaga streamejuvvo Yle Sápmi -arena ságastallanpanela diibmu 15.00–16.30. Vuosttas ságastallan jearrá livččiigo meditašuvnnas veahkki etnostressii. Nuppi ságastallama fáddán lea Sohkaršohkka-tv.
Stream-sátta lea čujuhusas http://www.sogku.fi/live/.
Ijahis idja Inarissa
Alkuperäiskansojen musiikkitapahtuma Ijahis idja järjestetään Inarissa 19.–21.8.2016. Tapahtuman pääartistina on tänä vuonna Sofia Jannok.
Festivaaliviikonlopun tarjontaan kuuluu konserttien lisäksi muun muassa teatteria, keskusteluareena sekä saamelaiset urheilukilpailut. Lapsille ja nuorille on omaa ohjelmaa perjantaina. Tarkempi ohjelma löytyy osoitteesta ijahisidja.fi.
Iltakonsertit lähetetään internetissä osoitteessa http://www.sogku.fi/live/.