Dán jagáš valáštallama sámemeašttirgilvvut ordnejuvvojit Árjjátluovis Ruoŧa Sámis dán vahkuloahpa. Valáštallangilvvut dollojuvvojit Árjjátluovi gieldda neahttasiidduid jelgii sihke bearjadaga, lávvordaga ja sotnabeaivve diibmu 09.00-16.00.
Valáštallansuorgin leat njoarosteapmi, golmma olbmo njoarostan- ja viehkanstafeahtta, oktagas njoarostan ja viehkansprinta ja meahcceviehkangilvu. Gilvobáikin lea spábbačiekčangietti, mii lea Árjjátluovi valáštallanhálla olggobealde. Gilvvuid ordne Árjjátluovi sámesearvi.
Valáštallangilvovahkuloahpa aktavuođas ordnejuvvojit oalgedáhpáhussan ee. sámemusihkkabottu ja disco. Mánáide lea maid iežas prográmma.
Okta gilvvuid lágideddjiin Anne Madeleine Kuhmunen muitalii Ruoŧa sámeradioi bearjadaga, ahte dihto gilvvuide sáhttá ilmmuhit vel aitosaš ilmmuhanáiggi (01.08.2016) mannjelnai.
Gáldun: Ruota sámeradio ja Arjeplog.se.