Ulla Pirttijärvi ja Ulda-joavku barget konseartamátkki USA:i miessemánus 2015. Konseartamátki álgá miessemánu 3. beaivvi Chicagos ja dan maŋŋel konsearttat dollojuvvot miessemánu 5. beaivve Wisconsinas, miessemánu 8. beaivve Columbus-gávpogis ja gierdomátkki maŋemus konseartta New Yorkas miessemánu 9. beaivve. Tuupa records diedáhusa jelgii konsearttain Ulla Pirttijärvi ja Ulda čuojahit sihke ođđaáigásaš sámemusihka ja árbevirolaš luđiid.
Jagis 2009 vuođđuduvvon Ulda-joavku almmustahtii vuosttaš skearru "Ulda" geassemánus 2012. Skearru lei dalle evttohassan Etno-Emma bálkkašupmái. Joavkkus čuojahit Ulla Pirttijärvi-Länsman , Marko Jouste , Mikko Vanhasalo ja Ari Isotalo. Ulla Pirttijärvi-Länsman ja su nieida Hildá Länsman bođiiga guovvamánus dollojuvvon UMK-gilvvus njealjádin. Gilvvu vuoiti Pertti Kurikan Nimipäivät ovddasta Suoma Eurovision-gilvvus, mii álgá miessemánu 19. beaivve.