Okta deháleamos dáhpáhus olles Skábmagovaid áigge lea eahpitkeahttá Ima mánát skearru almmuheapmi anáraš- ja nuortalašgillii – oktanaga. Ima da Tiina päärna –skearrus lávlot Tiina Sanila-Aikio lassin logi máná dahje rávesolbmo. Ima já Heli párnááh –skearrus lávlot Heli Aikio lassi ovcci máná dahje rávesolbmo.
Máŋgasat mis leat gullan Mubemihkkal Juntusa movttegis Oba mihá buorre -ráppa. Dál beassat guldalit skearrus Ubâ uáli pyeri anárašgillii ja Beâddaa lij pue´rr nuortalašgillii.
- Diet lávlla muitala suopmanii birra muhto gullat áibbas eará heivehusaid, čilge Inger-Mari Aikio .
Son rámida Tiina Sanila-Aikio ja Heli Aikio čehppodaga jorgalit ja heivehit lávlagiid iežaska gielaide.
- Soai leaba máhttán heivehit sániid nu ahte heivejit bures, illuda Aikio.
Nubbi oahpes lávlla lea goittot sámiradios čuodjan Ááhu pánnukááhuh dahje Ääkk pannkääkk . Mánáid ja nuoraid beaivekonsearta lea dušše 45 minuhta muhto eahketkonsearttas lea eanet áigi.
- Jurdda lea nie ahte konseartta áigge lávlagiid lávlot duetton nie, ahte ovtta vearssa nuortalašgillii ja nuppiges anárašgilli.
Lávlagiid lea čállán álgoálggus davvisámegillii Inger-Mari Aikio ja Miro Mantere fas lea bidjan šuoŋaid, bádden lávlagiid ja buvttadan skearruid. CD:s leat 12 lávlaga. Dat gieđahallet máŋggalágan áššiid sierra musihkkašlájaid bokte.
Eahketkonseartta oktavuođas Ima almmuha maid ođđa girjjis Tropihka rievssat . Nuoraidromána muitala 18-jahkásaš Máreha jagi guhkkosaš mátkkis máilmmi birra. Son válljii nuoraidgirjji fáddán mátkkošteami aiddo danin, go dán áigge nuorat golget eanet ah eanet miehtá máilmmi.
- Jáhkan ahte romána geasuha nuoraid, go das lea sáhka dálážis ja sidjiide oahpes áššis, mátkkošteames, árvaladdá Aikio.
- Jođedettiin fuomáša ahte álo ii leat dušše somá, muhtimin sáhttá leat hui láittas ja mátkkálaš dovdá iežas oktonassan ja oarbbisin, joatká Aikio.
Ima & Tiina päärna & Heli párnááh eahketkonsearta ja Tropihka rievssat girjealmmuheapmi lágiduvvo 26.1.17 dbm 19 Sajosis, Anáris Skábmagovaid oktavuođas. Konsearta lea nuvttá ja rabas buohkaide.
Inger-Mari Aikiolta nuortenromaani ja kaksi CD levyä
Laulut on kääntänyt koltansaameksi Tiina Sanila-Aikio ja inarinsaameksi Heli Aikio.
Levyllä on 12 laulua, jotka käsittelevät monenlaisia asioita eri musiikkityylien kautta.
Inger-Mari Aikion ensimmäinen nuortenrommani julkaistaan iltakonsertin yhteydessä.
Konsertti ”Ima & Tiina päärna & Heli párnááh” 26.1.17 dbm 19 Sajoksessa, Inarissa.