SVT Sápmi muitala, ahte sápmelaš jienasteddjiin lea unnán luohttámuš sámediggái. Dát boahtá ovdán veardideaddji dutkamušas Ruoŧa ja Norgga sámediggeválggaid birra, mat dollojuvvoje jagis 2013. Dutkamuša bohtosiid almmustahttigohtet fargga virggálaččat.
SVT Sápmi muitala, ahte jienasteaddjit hálidivčče lasihit sámedikki váikkuhanválddi máŋggain dehálaš áššiin, muhto dat lea váigat dannego sámediggi lea sihke álbmoga válljen orgána ja stáhta virgeoapmahaš, mas lea ráddjejuvvon iešstivrejupmi. Dát dagaha dan, ahte luohttámuš sámediggái lea unni.
Ruoŧa sámedikki áirras Anne Madeleine Kuhmunen oainnu mielde dat váldá guhkes áiggi oažžut áigái ovdáneami dainna unna váikkuhanválddiin mii sámedikkis dál lea. Kuhmunen mielas luohttámuš sámediggái lassánivččii juos sámediggi barggalii riikkabeivviid ja ráđđehusa guvlui eanet dan ovdii, ahte sámediggi oažžulii eanet iešmearridanrievtti.
- Go mii sáhtáleimmet ieža stivret iežamet áššiid nu de mis livččii buoret dilli. Dál mii leat ila olu čatnon lágaide ja njuolggadusaide. Mis galggalii leat stuorit váikkuhanváldi meroštallat, ahte got mii juohkit min bušeahtta, váriid ja nu ovddosguvlui, dadjá Kuhmunen SVT Sápmái.
Sámedikki áirras Johanna Njaita lea seammá oaivilis.
- Iešstivrejupmi lea dat man mii eandalii hálidit. Mis galggalii leat riekti min iežamet áššiide ja álbmogii, dadjá Njaita.
Loga SVT Sámi sága ruoŧagillii dáppe: