Ovttastuvvan Našuvnnaid (ON) álgoálbmotrivttiid sierraraporterejeaddji Victoria Tauli-Corpuz lea fuolas Suoma ođđa meahciráđđehusláhkaevttohusa váikkuhusain sápmelaččaide. Tauli-Corpuz ballá, ahte ođđa láhka boađálii heajudit sápmelaččaid rivttiid Suomas. Son buvttii ášši ovdan duorastaga Geneves.
Sierraraporterejeaddji moaitá Suoma das, ahte dat ii leat gullan ja váldán vuhtii sápmelaččaid álgoálbmogin meahciráđđehuslága ođasmahttinproseassas.
- Suoma ráđđehusa meahciráđđehusláhkaevttohus ii šat sihkkarastte sápmelaččaid rivttiid árbevirolaš ealáhusaide, eatnamiidda ja resurssaide. Dát áššit ledje láhkahápmosis vel jagis 2014, son muittuhii.
Tauli-Corpuz mielas Suoma stáhta lea rihkkon meahciráđđehuslága ođasmahttinproseassas ON álgoálbmogiid rivttiid julggaštusa (UNDRIP).
- Sávan, ahte lága ođasmahttinproseassas vuhtiiváldet, ahte sámedikkis ja nuortalaččaid giličoakkámis leat leamašan ráddjejuvvon liibbat oassálastit dán prosessii, mii lea UNDRIP vuostá, Tauli-Corpuz deattuhii.
Ođđa lágain sirddále stuora oasi sámeguovllus ođđa, stáhta oamastan fitnodahkii. Fitnodagas boađálii leat ovddasvástádus buot Suoma stáhta oamastan vuvddiid čuohppamiin, maid sámeguovllus. Danne galgá gullat maid sámiid, Tauli-Corpuz celkkii.
- Stáhtat galggale gullat álgoálbmogiid ja sihkkarastit, ahte sis lea riekti ovddalgihtii dohkkehit áššiid, muittuhii Tauli-Corpuz.
Suomelle moitteita YK:lta
YK:n alkuperäiskansojen oikeuksien erityisraportoija Victoria Tauli-Corpuz kritisoi Suomea saamelaisten polkemisesta metsähallituslakiuudistuksen valmistelussa.
Tauli-Corpuz toi asian esille torstaina Genevessä. Erityisraportoija kertoi olevansa syvästi huolissaan saamelaisten puutteellisesta huomioimisesta.
Hänen mielestä Suomen valtio ei ole noudattanut metsähallituslain valmistelussa YK:n alkuperäiskansojen oikeuksien julistusta.