SlinC­ra­ze Anára Ijahis id­ja-fes­tivá­lii

SlinCraze dahje Nils Rune Utsi lea sámi ráppár Mázes eret. Son lea ráppen jo 2004 rájes.

–Su teavsttat gieđahallet álgoálbmogiid váttisvuođaid ja politihkalaš áššiid, muhto maiddái beaivválaš eallima.

Su lávlagiin leat dávjá maid fiinna musihkkavideot, maid sáhttá geahččat YouTube -kanálas. SlinCraze lea leamaš mielde ráhkadeamen vuosttas Sámás muinna -kampánjalávlaga Geavat gollegiela.

–SlinCraze birra lea ráhkaduvvon dokumentára Arctic Superstar, mii vuittii Favorite Documentary-bálkkášumi ja dat lei evttohassan buoremus TV-dokumentáran Norgga Gullruten-gálas.

Ijahis ijas lávlot maiddái Simon Issát Maraisa ÁRA-joavku ja Ravggon. Vuohčulaš Ravggon čuojaha folk-rock musihka ja In dárbbat appelsiinnaid -lávlla lea oahpis goit sidjiide geat guldalit sámerádio. Marainen lea bidjan vielljasis Gustui erenoamáš čáppa luođi.

Dán jagaš temán leat juoigansuopmanat.

–Dáinna temáin festivála háliida buktit ovdan sápmelaččaid rikkes vokálamusihkkašlájaid valljivuođa. Sierra temákonsearttas leat juoigit miehtá sámeguovllu Suomas, Ruoŧas, Norggas ja Ruoššas ja máŋggain sierra sámegielain.

Musihka bokte festivála háliida čalmmustahttit ahte sierralágan báikkálaš stiillain fuolakeahttá sápmelaččain lea oktasaš musihkkaárbevierru, man iešguđegelágán báikkálaš árbevierut hervejit ja mii ovttastahttá sápmelaččaid riikkarájáid rastá.

Ijahis ija dievaslaš prográmma almmuhuvvo dáhpáhusa neahttasiidduin geassemánu áigge. Ijahis idja lágiduvvo 18.-20.8.2017 Anáris.

Geahča musihkkavideoid:

SlinCraze - Suhtadit https://www.youtube.com/watch?v=aOWH0W6t6eM

Sámás muinna kampánjalávlla 2014 https://www.youtube.com/watch?v=dMbWDL5sRjg

ÁRA - Speadjarnávdi https://www.youtube.com/watch?v=wV7-v-lMQQg

Ravggon - In dárbbat appelsiinnaid https://www.youtube.com/watch?v=FJ6Rs_lK7sc

Tästä on kyse

Ijahis idjassa esiintyy räppäri SlinCraze

Räppäri SlinCraze eli Nils Rune Utsi esiintyy Ijahis idja festivaaleilla. Hänen lisäksi esiintyvät ruotsinsaamelaisen joikaajan Simon Issát Maraisen ÁRA-yhtye ja vuotsolainen folk-rock yhtye Ravggon.

Neljättätoista kertaa järjestettävän Ijahis idjan teemana on joikumurteet, jolla halutaan tuodaan esiin värikäs saamelaisen vokaalimusiikkilajien kirjo. Teemakonsertissa esiintyy joikaajia ympäri saamelaisaluetta Suomesta, Ruotsista, Norjasta ja Venäjältä sekä monelta eri kielialueelta.

Ijahis idja järjestetään 18.-20.8.2017 Inarissa.