Skáb­ma­go­vain eanet guossit go goas­si­ge ovdal

Skábmagovain ledje dán jagi oktiibuot 4335 guossi, mii lea festivála historjjá stuorimus. Ovddit olahus lei 4200 jagis 2013, go Skábmagovat devdii 15 jagi.

Festivála vuođđotemain ledje dán jagi Davvi-Amerihká ja Ellos eallin, man ulbmilin lei loktit oidnosii álgoálbmogiid rivttiid . Filbmabagadalli Michelle Latimera dokumentárat Rise one ja Rise two heivejedje goappáge váldotemái, go dat muitalit Standing Rock dáhpáhusaid birra. Latimer lei vuosttas bagadalli joavkkuinis Standing Rockis jagis 2016.

Buot eanemus geahččit ledje lávvardaga Sajosis Davi muitalusat -čájáhusas, mas čájehedje ođđa oanehisfilmmaid Sámi bagadalliin. Auditoriai galggai lasihit golbma beaŋkaráiddu vai buot geahččit čáhke sisa. Doppe čájehuvvui ee. Marja Helander Eatnanvuloš lottit ja Katja Gauriloff bagadallan musihkkavideo Sálbma .

Maid Sámevarra geasuhii olu geahččiid ja dan ledjege geahččamin meastta sále dievva olbmot Sajosis. Filbma vuittii gieskat njealje Guldbaggen -bálkkašumi Ruoŧas. Bálkkašupmi lea sullii seamma go Jussi -bálkkašupmi.

Skábmagovat jugii vuosttás háve bálkkašumiid buoremus sámi ja buoremus internašunála eamiálbmogiid oanehisfilmmaide.Skábmagovat háliida bálkkašumiin doarjut oanehisfilbmabagadalliid dahkat eanet filmmaid ja bálkkašit sin jo dahkon barggus

Historjjá vuosttas buoremus Sámi oanehisfilmma bálkkašumi vuittii Inga-Wiktoria Påve ja Anders Sunna animašuvdna, Morit Elena Morit . Vuoittu mearkkaša maiddai dien, ahte filbma čájehuvvo Yle tv-kanálas.

Skábmagovaid internašunala bálkkašumi vuittii Isabella Weetaluktuk dahjege Asiannajaq filbma Three Thousand , mii ovttasta arkiivamateriálaid animašuvnnain.

Bálkkašumiid ruhtadii Internášunala Sámi Filbmainstituhtta ja ovtta bálkkašumi arvvu lei 5000 euros.

Lassin festivála áigge lágiduvvojedje maid siidodáhpáhusat. Beaivváš Sámi teáhtera čájálmas, konsearttat ja iešguđege fáttás panelaságastallamat dahje eará sullasaš dilálašvuođat.

Skábmagovat álgoálbmogiid ealligovvafestivála lágiduvvoi 20. geardde Anáris.

Loga maid:

Miksi saamelainen ärähti intiaanipäähineen käytöstä – sananvapauspaneelissa puhuttiin alkuperäiskansojen solidaarisuudesta (28.1.2018)

Elokuvafestivaali Skábmagovat on käynnissä jo 20. kertaa – Pohjois-Amerikan alkuperäiskansojen aktivismissa on tuttuja elementtejä (27.1.2018)

Tästä on kyse

Kävijäennätys Skábmagovat -festivaalilla

Skábmagovat -elokuvafestivaalilla kävi tänä vuonna 4335 osallistujaa, joka on festivaalin historian suurin kävijämäärä. Edellinen ennätys oli 4200 kävijää vuonna 2013, kun Skábmagovat täytti 15 vuotta.

Eniten katsojia oli lauantaina Pohjoisia tarinoita -näytöksessä, jossa näytettiin mm. Marja Helanderin Maan sisällä linnut ja Katja Gauriloffin ohjaama musiikkivideo Sálbma. Myös Saamelaisveren näytökset kiinnostivat katsojia.

Festivaalilla järjestettiin lisäksi useita sivutapahtumia, kuten Beaivváš -teatterin näytös, konsertteja ja paneelikeskustelutilaisuuksia.