Sámegiela ja -kultuvrra dutkansearvi muitala dieđáhusastis, ahte dat lea rahpan iežas ruoktosiiddu, mii gávdno čujuhusas http://dutkansearvi.fi.
Searvvi ulbmilin lea almmustahttit juohke vahkus blogga áigeguovdilis dieđalaš áššiid birra. Searvi ohcá dutkiid ja maiddái aktivisttaid, geain livččii beroštupmi čállit bloggaid.
Searvi doalai jahkečokkáma 27.8.2016 ja čoakkáma aktavuođas searvvi stivrii válljejuvvojedje: Irja Seurujärvi-Kari (ságadoalli), Janne Saarikivi (várreságadoalli), Marja-Liisa Olthuis (čálli), Pigga Keskitalo , Eino Koponen ja Torkel Rasmussen . Várrelahttun válljejuvvojedje Hanna Outakoski , Mervi Skopets ja Martti Laiti. Sámegiela ja kultuvrra dutkansearvi muitala, ahte searvvi dárkkuhussan leat earret eará lasihit dieđu unnitlogu ja álgoálbmogiid gielaid ja kultuvrraid birra ja ovddidit sámegiela gievrudeami ja máhcaheami viidát oba Suomas.