Sámi parlamentáralaš ráđđi (SPR) ja Euro-Árktalaš guovllu álgoálbmotbargojoavku lágide ovttas jorba beavddi ságastallama Murmánskkas 13.4.2016. Ulbmilin lei ságastallat sámiid ovddasteaddji orgána vuođđudeamis Ruššii.
Čoahkkin lei juhkkojuvvon guovtti oassái. Vuosttas oasis sátnejođiheaddji Tiina Sanila-Aikio Suoma Sámediggis, presideanta Aili Keskitalo Norgga Sámediggis ja ráđđelahttu Ingrid Inga Ruoŧa Sámedikkis muitaledje Sámedikkiid vuođđudeami, bargguid, formála rolla ja láhkaásaheami birra.
- Ovdanbuktimiin bijaimet deaddu Sámedikkiid láhkavuđđui ja gulahallamii eiseválddiiguin. Háliideimmet maid čájehit ahte gal Davviriikkainge lei guhkes geaidnu ovdalgo Sámedikkit ásahuvvojedje, Sanila-Aikio muitala.
Sámedikkiid ovdanbuktimiid lassin Julia Shandarova Murmánska guovlluhálddahusas muitalii Ruošša dálá láhkaásaheamis álgoálbmogiin. Dutki Mikkel Berg Nordlie Norgga gávpot- ja guovlooahpuid Institušuvnnas stellii iežas ovdanbuktimis gažaldaga: Mo leat Ruošša beale sámit ovddastuvvon sámiid ovttasbarggus?
Beaivvi nuppi oassi lei giddejuvvon ságastallan bovdejuvvon oasseváldiide. Dát oasseváldit ledje earret eará Guoládaga Sámiid Searvi (GSS), Murmánskka guovllu sámesearvi OOSMO, álgoálbmotráđđi Murmánska guovllu vuolde, Murmansk Oblast, GOBU, Sámedikkit ja Barents álgoálbmotbargojoavku.
Čoakkáma ulbmilin lei ságastallat sáhttetgo vásáhusat Sámedikkiid ásaheamis veahkehit Ruošša beale sámiiid ásahit iežaset álbmotválljenorgána, mii ovddasta sámiid Murmánska guovllus, Ruošša federašuvnnas, SPR:s ja álgoálbmogiid riikkaidgaskasaš oktavuođain.
SPR sátnejođiheaddji Sanila-Aikio lei hui duđavaš beaivái,
- Mii leat plánen lágidit dán čoahkkima jo máŋga jagi. Lea hui dehálaš ahte SPR:s lea buorre gulahallan Ruošša beale sápmelaččaiguin ja mii beassát ieža gullat makkár hástalusat sis leat.
Gáldun: Sámediggi
Pyöreän pöydän keskustelu
Saamelainen parlamentaarinen neuvosto (SPR) ja Euro-Arktisen alueen alkuperäiskansatyöryhmä järjestivät pyöreän pöydän keskustelun Murmanskissa 13.4.2016.
Tarkoituksena oli keskustella saamelaisten edustuksellisen elimen perustamisesta Venäjälle, mikä edustaa Venäjän saamelaisia saamelaisten yhteistyössä ja alkuperäiskansojen kansainvälisessä yhteistyössä.
SPR on saamelaiskäräjien yhteistyöelin.