Sámediiki ságadoalli Tiina Sanila-Aikio deattuhii sámi álbmotbeaivvi sáhkavuorustis, ahte Girjása mearrádus lea historjjálaš ja addá doaivvu buot sámiide.
- Oainnán, ahte das leat dovddastuvvon dat seammá rievttit, go maid nuortalašsiidda arkiivva nappo gramota sisttisdoallá. Dát rievttit galget dovddastuvvot maid Suomas, son muitala.
Sanila-Aikio muittuhii, ahte Váhčira diggerievtti mearrádus ii lean mii beare mearrádus, muhto dat lei baicce vuoigatvuođalaš mearrádus, mainna Girjása čearu rievttit guovlluset eatnamiidda ja čáziide sihke dain mearrideapmái dovddastuvvui Ruoŧas.
- Sávan, ahte dát Girjása čerrui guoskevaš mearrádus váikkuha dasa, ahte sámiid rievttit Suomas bohtet ovdánit ovdamearkka dihte ILO 169 –soahpamuša ratifiserema ja davviriikkalaš sámesoahpamuša bokte. Sávan, ahte mii eat dárbbaš gáibidit min rivttiid duopmostuoluid bokte, danin go dat geadnu lea buohkaide losit, dadjá Sanila-Aikio.