Sápmelaš priváhtaolbmot leat dahkan váidálusa Ovttastuvvan našuvnnaid (ON) olmmošriektekomiteai. Váidalusa mielde Suopma lea rihkkon sámiid iešmearridanrievtti ja rievtti iežaset kultuvrii ovttas joavkkuinis.
Sámi árvvut -searvi lea doaibman sápmelaš ovttaskasolbmuid áššeolmmožin ON olmmošriektekomiteai vuolgán váidalusas.
- Váidálus ii leat almmustattojuvvon vel, danin go ášši gieđahallan lea gaskan ON:s. Váidalus lea sulaid 20 siiddu guhkki ja dan vuosttaš vuolláičállin lea Klemetti Näkkäläjärvi . Váidalusa leat dahkan 26 sápmelaš priváhtaolbmo, muitala Sámi Árvvut -searvi diedáhusastis.
Vuolláičállán priváhtaolbmot vuođđudit váidalusaset siviila- ja politihkalaš rivttiid oktasašsoahpamuša artihkkaliid 1, 26 ja 27 rihkkumiidda.
- Suopma lea rihkkon sápmelaččaid iešmearridanrievtti ja vuoigatvuođa návddašit iežaset kultuvrras ovttas joavkkui dohkkehettiin sápmelačča meroštallama láhkaásaheamis, man sápmelaččat vuostálastet ja mii lea sápmelaččaid árbvieruid ja kultuvrra vuostá, dohkkehettiin etnihkalaččat suopmelaš olbmuid sámedikki válgalogahallamii jagiid 2011 ja 2015, assimileredettiin sámedikki go lea dohkkehan sámedikki válggaid bohtosa ja dohkkehan etnihkalaččat suopmelaččaid ovddastit sápmelaččaid virggálaččat sámedikkis ja álggahettiin sápmelaččaid ja sámi kultuvrra struktuvrralaš assimilerema, oaivvildit váidáleaddjit.
Sámi Árvvut -searvi muitala, ahte váidalusa duogážin leat alimus hálddahusrievtti (AHR) jagiid 2011 ja 2015 dahkan mearrádusat dievasmahttit sámedikki válgalogahallama sámedikki ja sámiid joavkodohkkeheami vuostá.
- AHR dahkan mearrádusat maid meroštallet sámi kultuvrra sisdoalu ja váikkuhit ee. sierralágaid guoskadeapmái, sámedikki legitimitehttii, sápmelaččaid árgabeaivái ja vejolašvuođaide seailluhit iežaset giela ja kultuvrra, muitala Sámi Árvvut -searvi.
Valitus ihmisoikeuskomiteaan
Yhteensä 26 saamelaista yksityishenkilöä ovat tehneet yksilövalituksen YK:n ihmisoikeuskomiteaan.
- Suomi on rikkonut saamelaisten itsemääräämisoikeutta mm. hyväksymällä lainsäädännössä saamelaisen määritelmän, jota saamelaiset vastustavat ja joka on vastoin saamelaisten perinteitä ja kulttuuria sekä hyväksymällä etnisesti suomalaisia henkilöitä saamelaiskäräjien vaaliluetteloon vuosina 2011 ja 2015, perustelevat valittajat.