Buot Vaasas ordnejuvvon TEATRIS-dáhpáhussii beassan sámi skuvllat bálkkašuvvoje stipeanddain. Lágideaddjit rámpoje skuvllaid ovdanbuktojumiid.
Ohcejoga skuvlla joavku Gatnešat ovddastii dáhpáhusas čájálmasain "Gufihtarlonuhus".
- Čájálmas vuođđuduvvá sápmelaš árbevirolaš máinnasteapmái. Dat liggii váimmu rehálaččat hearkkes ja jáhkehahtti vugiin. Dasa lassin nuorra čájáhalliid čatnasupmi loaiddasteapmái lei váikkuheaddji, árvvoštalai dáhpáhusa lágideaddji čájálmasa.
Anára badjedási joavku Njäälgissekkâ ovdanbuvttii čájálmasa "Komovuotâsämmiliih".
- Čájálmas lei miellagovahallinis absurda áigemátki Anáris gomuvuhtii, oaivvildii lágideaddji.
Gárasavvona skuvlla joavku Giehtaruohttasa nuorat čájáhalle vuohon čájálmasa "Uldda lonuhus". Lágideaddji mielas, čájálmas ovddastii sápmelaš minimalisma.
- Dat buvttii oanehis áiggis ovdan stuorit máilmmi, árvvoštalai dáhpáhusa lágideaddji čájálmasa.
Ohcejoga skuvla oaččui 1000 euro stipeandda ja Anára badjedássi ja Gárasavvona skuvla 500 euro stipeandda.
Mannan vahkus dollojuvvon TEATRIS-dáhpáhusas nuorat miehtá Suoma besse buktit ovdan iežaset čájálmasaid.
Čeahpimus teáhterjoavkkuin lei vejolašvuohta vuoitit stipeandda ja gudnegirjji. Báikki nalde lágiduvvoje maid bargobájit ja eahketdoalut.