Sámi Giellagáldu ordne nuortalašgiela seminára Čeavetjávrri skuvllas gaskavahku ođđajagimánu 27. beaivve 2016 diibmu 10.00 rájes.
Seminára mihtomearrin lea juohkit nuortalašgiela geavaheddjiide ja giellaberošteddjiide dieđu das, makkár fitnuid nuortalašgiela olis lea jođus ja mot daid bohtosiid sáhttá ávkkástallat nu árgaeallima giellageavaheamis go giela dutkamušasge.
Seminárabeaivvi loahpas "Mäʹhtt säärnam säämas" -giellabargobájis gieđahallojuvvojit nuortalašgiela hubmiiguin sánit, mat leat geavahusas árgabeaivvi gielas. Dilálašvuođas guossohuvvo gáfe.
Seminára lea vejolaš čuovvut maiddái neahtta bokte njuolggosáttagiin. Čujuhus njuolggosáttagii (stream) gávdno seminárabeaivin Giellagáldu ruovttosiidduin www.giella.org. Seammá čujuhusas lea vejolaš oahpásmuvvat seminára dárkilut prográmmii.
Gáldun: Sámediggi