Sámi Árvvut -searvi mearridii vahkuloahpa áigge Heahtás dollojuvvon jahkečoakkámis vuođđudit sámi árbevirolaš dieđu bálkkašumi.
Searvi háliida bálkkašumiin doarjut ja movttiidahttit sámi árbevirolaš dieđu seailuma sámiid eallimis ja bajidit árbevirolaš dieđu mearkkašumi. Bálkkášumi sturrodat lea 1000 euro.
- Bálkkašupmi juhkkojuvvo vahku 37, ramádahkan. Dat mieđihuvvo sápmelažžii, gii doalaha, ovddida ja doarju sámiid árbevirolaš dieđu seailuma sámi kultuvrra árvvuid mielde. Bálkkašumi oažžu ii dárbbaš leat searvvi doaimmas mielde, muitala Sámi Árvvut -searvi dieđáhusastis.
Searvi muitala, ahte bálkkašumi oažžu vállje searvvi stivra. Searvi ordne bálkkašumi juohkima olis searvvušlaš dáhpáhusa Vuohčus.
Searvvi jahkečoakkán gieđahalai maid earret eará siviilaváidalusa ON:a olmmošriektekomiteai Suoma stáhta vuostá AHR:a jagiid 2011 ja 2015 dahkan mearrádusain.