Sámi Árvvut rs. lea almmuhan earenoamáš kaleanddara jahkái 2016. Kaleandar govvida sámiid árbevirolaš eallinvuogi ja dáhpáhusaid sihke dálkki ja luonddu ihtagiid. Kaleanddaris gávdnojit sámi mearkabeaivvit, leavgabeaivvit, jagiáiggit, vahkkonummárat ja mánnomuttut.
- Kaleanddara ulbmil lea doalahit sámiid árbevieruid ja daid mearkkašumi sámi jahkodatmolsašuddamis. Kaleandar sisdoallá dáidaga, čuovgagovaid, árbevieruid, divttaid ja sámi árbevirolaš duhkoraddamiid. Kaleandar lea dahkkon eaktodáhtolaš bargovuimmiiguin almmá ruhtadeami haga sámi servoša atnui sámi servoša árbevieruid gudnejahttimiin. Kaleanddara vuoitu adnojuvvo oanekeahttá Sámi Árvvut -searvvi doibmii, mutaluvvo searvvi ruovttosiidduin.
Searvi lea ráhkadan kaleandarii árbevirolaš sámegiel nammabeaivekaleandara.
- Dat ii leat virggálaš sámi nammabeaivekaleandar, daningo sámi nammabeivviin mearrideapmi lea addon lágain olggobeallái váldokultuvrra orgánaide. Searvvi kaleandar ii dávis virggálaš suoma dehe sámi nammabeaivekaleandarii. Sámi Árvvut rs. dahkan sámi nammabeaivekaleandarii leat čohkkejuvvon sápmelaččaid árbevirolaš ja dábálaš dáláš adnon sámi namat Suomas, Ruoŧas, Norggas ja Ruoššas, muitaluvvo searvvi ruovttosiiddus.
Kaleanddara sáhttá diŋgot ee. searvvi ruovttusiidduin. Kaleandar lea oažžumis davvisámegillii ja suomagillii.
Gáldun: www.samiarvvut.org