Ohcejoga girjerádjosis rahppojuvvo lávvardaga 6.2.2016 diibmu 13.00-14.30 Pedar Jalvi -čájáhus.
Dilálašvuođas professor Vuokko Hirvonen muitala Pedar Jalvvi birra ja SOG:a studeanttat guoimmuhit. Čájáhusa lágidit Sámi Arkiiva, Sámi musea Siida ja Sámi allaskuvla.
Sirpmá ja Ohcejoga oktasaš álbmotbeaivvi doalut dollojit dán jagi Sirpmás 6.2.2016.
Eanodagas lágiduvvo ávvudeapmi Heahtás Duottar-Lappi Luondduguovddážis 6.2.2016 diibmu 12.00-15.00. Prográmmas lea diibmu 12.00 boradeapmi ja 13.00 filbma Bohccot gullet biggii.
Diibmu 14.00 Nils-Henrik Valkeapää čájeha iežas govvavuorkkás boares govaid. Vejolašvuohta kopijeret iežas boares govaid ja vurket daid digitála hápmái. Dilálašvuođas fállet biepmu ja gáhkkogáfe. Doaluid lágidit Johtti Sápmelaččat rs, Sámi Soster -searvi ja Duottar-Lappi Luondduguovddáš.
Anára Siiddas leat diibmu 10.00-17.00 rabas uvssat. Diibmu 10 Siidda šiljus gessojuvvo leavga stággui. Diibmu 11 auditoriijas loaiddastit SOG:a oahppit.
Diibmu 11.00–14.00 fállá Sámi Soster -searvi mállásiid Anára searvegoddedálus. Boradeapmi lea rabas ja nuvttá. Diibmu 14.00 lea bismma meassu Anára girkus.
Diibmu 14.00 lea Mu dohkká -čájáhusa rahpan Sajosis. Čájáhusa rahpá Petra Biret MaggaVars . Diibmu 14.3015.00 lea mánáid musihkkaboddu. Dan doallá musihkkar Anna NäkkäläjärviLänsman. Diibmu 15.00 čájehuvvojit Sajosis filmmat.
Diibmu 19.00 lea Klubbaeahket Sajosis (K-18) ja diibmu 20.30 álgá Sámi Grand Prix (SGP) -juoiganoassegilvu. Gilvui sáhttá oassálastit maid anáraš livđein sihke nuortalaš leuddiin. Gilvui sáhttá ilmmuhit ovddalgihtii: sajos@samediggi.fi dehe tel. 0505651346. Diimmá SGP-lávlunoasi vuoiti Aila-duo loaiddasta maid Sajosis.
Vuohču Sámiid searvi ja Soađegili searvegoddi lágidit givtta Anára doaluide 6.2.2016.
Gikta vuolgá Vuohču gávppi šiljus diibmu 10.00 ja máhccá Vuhččui sullii diibmu 17.00. Dieđiheamit reisui tel. 0400190406 maŋemustá 3.2.2016. Reaisu lea nuvttá.
Gáldun: Yle Sápmi