Meahciráđđehus ordne 15.-17.08.2016 sámegielat fuođđofáttarleairra Eanodagas.
- Leairras oahpásmuvvat guovllu lundui, sámekultuvrii, fuođđodikšunbargui ja dahkat oanehisfilmmat fuođđofáttáid birra. Leairras idjadat tealttáin ja lávuin ja málestit olgun, nuba mánát besset oahppat seammás ávkkálaš meahccedáidduid, muitaluvvo Meahciráđđehusa dieđáhusas.
Leaira lea oaivvilduvvon 7-12 -jahkásaš sámegielat mánáide.
- Buresboahtán leirii leat sámeguovllu ja maiddái sámeguovllu olggobeale mánát. Leairra áigge oahpásmuvvat bargobájiin earret eará fuođđodikšumii, dávgebissuin báhčimii ja luonddu ávkkástallamii suvdilis vugiin. Leairras mánát besset oahpásmuvvat maid ealligova dahkamii. Čállit ja čájáhallat oanehisfilmmain, mat čájehuvvojit Yle Sámi sámegielat Unna Junná -mánáidprográmmas, muitaluvvo Meahciráđđehusa dieđáhusas.
Sámegielat fuođđoleaira ollašuhttá Meahciráđđehusa fuođđobajásgeassima mihttomeriid lassin maiddái sámegiela ovddidandoaimmaid.
- Sámegielat dáhpáhusat leat eandalii dehálaš giellageavahandilálašvuođat mánáide ja dákkár leairras eará sámeguovlluid mánát besset oahpásmuvvat, gullat eará suopmaniid ja eará sámegielaid, Pieski muitala.
Leairra doaibma ordnejuvvo davvisámegillii ja leairras lea sadji 20 mánnái. Báikkit devdojuvvojit ilmmuhanortnega vuođul. Bealli leairra báikkiin lea várrejuvvon Eanodaga gieldda mánáide. Leaira lea nuvttá.
Leirii sáhttá ilmmuhit šleađgapoasttain ja das galgá ilmmuhit máná nama, agi ja fuolaheaddji aktavuođadieđuid. Ilmmuheapmi lea čadni. Suoidnemánu loahpa maŋŋel biehttaleamis berrojuvvo 50 € máksu.
Ilmmuheaddjiide sáddejuvvo maŋŋelis dárkit ilmmuhanskovvi ja leairra prográmma. Lassedieđuid addá Meahciráđđehusa sámegielat dieđiheaddji Pentti Pieski, pentti.pieski(at)metsa.fi
Leaira ordnejuvvo ovttasbarggus Sámi oahpahusguovddážiin, Yle Sámiin ja Eanodaga skuvllaiguin.