Disdaga dollon Sámedikki dievasčoakkáma áššelisttus ledje máŋggat áššit ja čoakkán bisttiinai badjel bealle jándora.
Sámediggi dohkkehii dievasčoakkámis ee. álgoálbmogiid máilmmikonfereanssa loahppaáššebáhpára ollašuhttimii guoski áššebáhpára mii sáddejuvvo olgoáššiidministeriijai.
Sámedikki lahttu Aslak Holmberg deattuhii, ahte Sámediggi galgá muittuhit áššebáhpáris Suoma stáhta, ahte dat lea čatnašuvvan álgoálbmotjulggaštusa mihttomeriide ollásit, ilmmá várrejumiid. Holmberg oainnu mielde ee. stáhta ipmárdus ráđđádallangeatnegasvuođas ii deavdde álgoálbmotjulggaštusa mihttomeriid.
Petra Magga-Vars vuohon deattuhii, ahte áššebáhpáris galgá muittuhit, ahte sámiide guoski dieđalaš dutkamušaid galgá máhcahuvvot ruovttoluotta sámeservošii ja informeret sámiid dutkanbohtosiid birra. Magga-Vars deattuhii maid, ahte sámi giehtaduoji galgá dorjojuvvot ovttaveardásaš sámeealáhussan. Holmberg ja Magga-Vars ovddabeale mánnašuvvon deattuhusat dohkkehuvvojege áššebáhpárii.
Stivrra buvtti čoakkámii maid evttohusa sámedikki linjadeapmin golledoidinlohpeáššiin, muhto dievasčoakkán máhcahii dan joatkaválmmaštallamii. Earret eará sámedikki lahtut Janne Saijets ja Kirsti Kustula buvttiiga ovdan, ahte juobe unnit mášenroggan dego golli njamman mašiinnain billista eatnamiid ja čázádagaid. Saijets deattuhii, ahte Sámediggi galgá leat gozuid nalde gollerogganlohpeáššiin.
Ságadoalli Tiina Sanila-Aikio diđii, ahte čoakkámis boahtá guhkki ja muittuhii, ahte ledje viiddis áššit mat gieđahalloje.
- Mii beasaimet ságastallan máŋggain áššiin. Golleáššilinjema sáhttá atnit dego sáttaságastallamin ja mii sáhttit joatkit dál ášši joatkatválmmaštallama. Álgoálbmotjulggastus ja dasa guoski loahppaáššegirji ledje viiddis ságastallama vuolde. Dat buktá čiekŋalisvuođa, ahte eai leat dat seammá rutiidnaáššit gieđahallamis, dajai Sanila-Aikio.
Čoakkán bistti measta diibmu 23.00 rádjái ja maŋemus áššin áššelisttus lei válgalávdegotti válljen jagi 2019 válggaide.
- Dálhan mis ii leat vel ruhtadeapmi dorvvastuvvon vai mii beasaleimmet álggahit válgalávdegoddebarggu. Eat leat vel ožžon riekteministeriijas vástádusa dasa, ahte sáhtáleimmetgo mii álggahit ođđa válgalávdegotti barggu daiguin ruđaiguin, mat báhce ovddit válgalávdegottis geavatkeahttá. Mannan válgabajis bohte válgalávdegoddái issoras bargodiimmut ja ledje guhkes čoakkámat. Deattu barggu čađaheami geažil šattai stuorráin, dan dihte mii geahččalit buoridit bargodili. Ledje maid olu dakkár ovddidandoaimmat maidda ii mannan válgabajis báhcan áigi. Gal mun oainnán dehálažžan ahte válggaid čađaheapmái galget leat albma resurssat, oaivvilda Sanila-Aikio.