Suoma Sámediggi vállje ođđa válgalávdegotti dievasčoakkámis, mii dollojuvvo 21.06.2016.
Sámedikki stivra lea bargan evttohusa, ahte Sámedikki čoakkán válljelii sámedikki jagi 2019 válggaid válmmaštallama ja doibmiibidjama dihte válgalávdegotti masa gullet ságadoalli ja su persovnnalaš várrelahttu sihke njealje iežá lahttu oktan várrelahtuiguin.
Stivrra evttohusas dadjojuvvo dasa lassin, ahte válgalávdegotti váljemis galgá váldit vuhtii, ahte das lea lahttu ja várrelahttu juohke sámi ruovttoguovllu gielddas ja lahtuid válljemis čuvvot dásseárvolága njuolggadusaid nissoniid ja dievdduid gaskasaš ovddastusas sierra doaibmaorgánain sihke stivrra ávžžuhusa sierra giella- ja kultuvrajoavkkuid vuhtiiváldimis.
Disdaga čoakkáma áššelisttus lea maid ee. ruhttadoalloloahpaheami dohkkeheapmi ja ovddasteddjiid evttoheapmi meahciráđđehuslágas ásahuvvon sámi ruovttoguovllu gielddaid ráđđádallangottiide.