Sámedikki ovddasteaddjit deaivvadedje Lappi riikkabeaiáirasiiguin mánnodaga 15.8.2016 Sajosis, Anáris. Sámediggi muitala, ahte deaivvadeamis sohppui jahkásaš deaivvademiin ovttasbarggu nanosmahttima ja sámiide guoski áššiid ovddideami dihte.
Deaivvadeami ulbmilin lei ságastallat sámiide guoskevaš, áigeguovdilis áššiin. Fáddán ledje earret eará davviriikkalaš sámesoahpamuš, sámedigge- ja sámi giellalágaid ođasmahttin, Deanu soahpamuš-ráđđádallamat sihke Sámedikki ekonomalaš dilli. Lassin Sámediggi buvttii ovdan earret eará golledoidinlobiid mieđiheapmái gullevaš váikkuhusaid árvvoštallanproseassa.
Sámediggi buvttii ovdan iežas fuola sámegielaid oahpahusa veadjemeahttunvuođas sámemánáid oasil, geat orrot sámeguovllu olggobealde.
- Dál sámiid ruovttuguovllu olggobealde ásset badjel 60 % sámemánáin ja nuorain, iige sidjiide leamaš vejolaš lágidit sámegiela oahpahusa vaikke Sámediggi lea dahkan áššis máŋggaid álgagiid. Sámegiela oahpahusa ovddideapmi olles riikkas gullá maiddái doaibmabiddjoprográmmai, mii guoská sámegiela ealáskahttima, muitala Sámediggi.
Sámediggi muitala, ahte Lappi riikkabeaiáirasiid galledeapmi ollašuvai buori vuoiŋŋas.
- Sámiin ii leat riikkabeivviin iežas riikkabeaiáirras, ja danin sávvat, ahte Lappi riikkabeaiáirasat ovddidit rivttesmielalaččat maiddái sámiide dehalaš áššiid. Ovdamearkan gielaealáskahttinprográmma duohtan dahkan lea sámegiela revitalisašuvnna dáfus erenomáš dehalaš, ja sávvatge ahte riikkabeaiáirasat jođánit ovddidit ášši, kommentere Sámedikki ságadoalli Tiina Sanila-Aikio .
Báikki nalde ledje riikkabeaiáirasiin Markus Lohi , Katri Kulmuni , Mikko Kärnä , Eeva-Maria Maijala , Markus Mustajärvi ja Johanna Ojala-Niemelä . Sámedikki deaivvadeamis ovddastedje ságadoalli Sanila-Aikio lassin earret eará I várreságadoalli Heikki Paltto , II várreságadoalli Tuomas Aslak Juuso sihke stivrra lahtut Nilla Tapiola ja Pentti Pieski.
Keskustelua ajankohtaisista asioista
Saamelaiskäräjien edustajat tapasivat Lapin kansanedustajia maanantaina Sajoksessa, Inarissa.
Tapaamisen tavoitteena oli antaa tilannekatsaus saamelaisia koskevista, ajankohtaisista asioista. Aiheina olivat mm. pohjoismainen saamelaissopimus, saamelaiskäräjä- ja saamen kielilakien uudistaminen, koulutusasiat, Tenon sopimusneuvottelut sekä Saamelaiskäräjien taloudellinen tilanne.