Ekologalaččat suvdilis biras- ja muorradujiid ovdanbukti Art Ii Biennaali -čájáhusas lea dán jagi mielde sámi birasdáidda. Čájáhus dutká birasdáidaga ja sápmelaš árbevirrui gullevaš luonddumateriálaid geavtima aktavuođa.
- Sámi kultuvra ipmirduvvo dávjá nu, ahte das lea lagas aktavuohta lundui. Dábálaččat dat oidno sámi giehtaduojis, mas ovttastuvvet sihke árgageavtin ja dáidda. Máŋggat dálá sámedáiddárat dovdet duoddji-árbevieru. Sii sihke ipmirdit materiála liibbaid, muhto maid vásihit, ahte dálá dáidda addá vugiid kommunikeret máilmmeviidosaččat, govve Art Ii Biennaali čájáhusa.
Biennaalis leat mielde dán jagi ee. dáiddárat Matti Aikio , Tomas Colbengtson , Aage Gaup , Carola Grahn , Jenni Laiti , Joar Nango , Outi Pieski ja Ingunn Utsi . Materiálaid dasa leaba čohkken Marja Helander ja Maria Therese Stephansen . Čájáhus rahppojuvvui lávvordaga ja dat lea rabas 21.08.2016 rádjái. Dat dollojuvvo Ii gielddas Davvi-Bađaeatnamis.