Mumeniid diidadálvi čájehuvvo ovcci iešguđege báikkis

Filmkompaniet/Animoon
Mumeniid diidadálvi čájehuvvo ovcci iešguđege báikkis

Mumeniid diidadálvvi vuosttaseahket lea Suoma bealde juovlamánu 1. beaivve.

Outi Paadar

Vuosttas sámegielat mánáidfilbma Mumeniid diidadálvi vuosttaeahket lahkona.

Sámegielat filbma lea dál gárvvis, lohká Harry Päiväläinen Future Film:as. Son vástida Diidadálvvi márkanastimis ja lebbemis.

Son muitala ahte filbma čájehuvvo sámeguovllus ja muhtun gávpogiin.

Filmma sáhttá geahččat Ohcejoga ja Heahtá gielddakinoin, Avvilis Aslak -ealligovvateáhteris ja Anáris kulturguovddáš Sajosis. Ođđa báikin filmma čájehit maid Gihttela Sirkkas, Levi Summit:is.

Gávpogiin filmma sáhttá oaidnit Helssegis Kinopalatsis, Tamperees Niagara ealligovvateáhteris 3.12., Oulus Star -ealligovvateáhteris, Roavvenjárggas Biorexis.

Vaikko vuosttaseahket leage juovlamánu vuosttas beaivve, de iešguđege báikkiid čájehanbeivviid ja áiggiid gánneha gulaskuddat njuolga čájeheaddjis.

Lassin lea leamen maid ealligovaid johtti čájehanfálaldat. Movie Company Alatalo doalvu Mumeniid diidadálvvi dakkár báikkiide, gos ii leat iežas ealligovvateáhter.

- Jos ovdamearkan Vuohčus lea beroštupmi oaidnit sámegielat mánáidfilmma, váldet munnje oktavuođa, ávžžuha dáhpáhushoavda Simo Alatalo.

Son johttá 18 iešguđege báikkis čájeheamen earálágan filmmaid, maiddái sámegielat Mumeniid, ja lohká johttinplánii šiehttat lassin earáge báikegottit.

Sutnje sáhttet váldit oktavuođa maid eará vejolaš beroštuvvan geahččit, gos eai leat iežas ealligovvateáhterat.

Media várás lágiduvvojit čájáhusat Helssega lassin maid Roavvenjárggas, gos doaimmaheaddjiin lea vejolašvuohta ovddalgihtii geahččat Mumeniid diidadálvvi. Dárkkit čájehanáiggi birra sáhttá gulaskuddat Future Film:as.

Loga maid:

Áslat Holmberg lea Mumistálu jietnaneavttár - Mumeniid diidadálvi ealligovvateáhteriidda 1.12. (19.10.2017)

Saamenkielisen Muumien taikatalven esityspaikat

Ensimmäinen saamenkielinen lastenelokuva Mumeniid diidadalvi (Muumien taikatalvi) esitetään saamelaisalueella ja joissain kaupungeissa. Elokuva on dubattu pohjoissaameksi ja tekstitetty suomeksi.

Esityspaikkoja ovat Hetta, Inari, Ivalo, Sirkka, Utsjoki sekä Helsinki, Rovaniemi, Tampere ja Oulu.

Lisäksi Movie Company Alatalo järjestää elokuvanäytöksiä maakunnissa siellä, missä elokuvateattereita ei ole.


Kirjoita kommentti

Perustele, kirjoita selkeästi, älä vähättele ihmisiä, ÄLÄ HUUDA. Pysy aiheessa ja muista käytöstavat. Kommentit luetaan ja tarvittaessa muokataan ennen julkaisua.

Meillä on nollatoleranssi alatyyliselle ilmaisulle, henkilöön käyvälle arvostelulle ja vihamielisyydelle. Emme julkaise kommentteja, joiden ainoa sisältö on negatiivinen mielipide vailla perusteluja. Jätämme julkaisematta myös ne kommentit, joissa ei lainkaan piitata oikeinkirjoituksesta kuten isoista alkukirjaimista tai välilyönneistä.

Kiitos etukäteen rakentavasta kommentistasi!

Lue myös