Ságastallan Davvi-Lappi eatnamiid geavahanrievttis ja oppalaččat sápmelaččaid vuoigatvuođaid birra joatkašuvvá jagis jahkái ja logijagis nubbái. Guhkesáigásaš nákkut čájehit ahte čuolmmaide eai gávdno álkes čovdosat. Ságastallama gánneha dattege joatkit.
Váttisvuođain fuolakeahttá lea dehálaš, ahte riikka ráđđehus geahččala gávdnat vuogi dasa, mo ovdamearkan Davviriikkalaš sámesoahpamuša sáhtašii dohkkehit. Sápmelaččat leat Eurohpá davimus ja Davviriikkaid áidna álgoálbmot. Lea buorre, ahte dásseválddi presideanta Sauli Niinistö rovváinis gudnejahttá sápmelaččaid álbmotbeaivvi ávvudeami otne Anáris.