Helssega universitehta hálddahusvuoigatvuođa professor Olli Mäenpää mielas njálmmálaš gieđahallan sáhtálii leat dárbbašlaš alimus hálddahusrievttis (AHR) dalle go dat gieđahallá sámedikki válgalogahallamii ohcamii guoskevaš váidalusaid.
- Go geardde AHR lea vuosttaš dási duopmostuollu mii dán olles proseassas gieđahallá ášši, nu mearrádussii guoskevaš čielggadeami jáhkehahttivuođa ja luhtolašvuođa árvvoštallamii njálmmálaš gieđahallan sáhtálii leat hui dárbbašlaš, oaivvilda Mäenpää Lapin Kansa Ságaide.
AHR doalai dán vahkus vuosttaš njálmmálaš gieđahallama guovtti jahkái. Ášši guoskkai virgeolbmo eretcealkima. AHR muitalii dieđahusastis, ahte dábálaččat measta buot áššit gieđahallojuvvojit AHR:s čálalaččat ja áššemeannudemiin.
Ášši čovdojuvvo duopmostuolus juogo čálalaš dehe njálmmálaš gieđahallamis. Njálmmálaš gieđahallama ulbmilin lea gullat áššáiosolaččaid, virgeoapmahašaid, duođašteddjiid ja áššedovdiid sihke váldit vuostá iežá čielggadeami. Mäenpää mielas njálmmálaš gieđahallan dárbbašuvvo eandalii, juos gieđahallan sáhtálii buktit lasseárvvu ášši čielggadeapmái.
- Eandalii čielggadeami jáhkihahttivuohta ja duođaštusaid luhtolašvuohta sáhttet buoremusat árvvoštallot njálmmálaš gieđahallamis. Nuppedáfus juos ášši lea muđui mearkkašahtti, nu njálmmálaš gieđahallan sáhttá leat dárbbašlaš, dadjá Mäenpää.
Juos njálmmálaš gieđahallamat leat dárbbašlaččat, nu dat dábálaččat dollojuvvojit hálddahusrievttis, muhto earret eará sámedikki válgalogahallamii ohcamis váidojuvvo sámedikki stivrra mearrádusas njuolga alimus hálddahusriektái.
AHR dohkkehii 93 ođđa jienasteddji sámedikki válgalogahallamii čakčat 2015. Sámedikki stivra mearridii skábmamánus 2015 dohkkehit sámediggeválggaid birra dahkkon váidalusaid ja lágidit ođđa válggaid. AHR goitge gomihii stivrra mearrádusa ođđajagimánus 2015.
Suullinen käsittely KHO:ssa
Helsingin yliopiston hallinto-oikeuden professori Olli Mäenpään mielestä suulliset käsittelyt voisivat olla tarpeen KHO:ssa ratkaistaessa saamelaiskäräjien vaaliluetteloon kohdistuvia valituksia.
- Kun KHO on ensimmäinen oikeusaste, ratkaisuun vaikuttavan selvityksen uskottavuuden ja luotettavuuden arvioimiseksi suullinen käsittely voi hyvinkin olla tarpeen, arvioi Mäenpää.
KHO järjesti keskiviikkona suullisen käsittelyn ensimmäistä kertaa kahteen vuoteen.