Ráđđehusa evttohusas evttohit boazodoallo ja lotnolasealáhusaid ráhkadusdoarjagiin addon lága nu daddjon “POLURA-lága" rievdadit nu, ahte dasa válddále vuhtii EU:a eanandoalloruhtaráju ođastusaid ja EU:a stáhtadoarjja-njuolggadusaid rievdadeami. Maid nuortalašláhkii evttohit bargat seammalágan rievdadusaid. Guktot láhkaevttohusat leat riikkabeivviid sáttaságastallamis 3.11.2015.
Dasa lassin daid lágaid heiveheami dárkilastojuvvo nu, ahte lágain ásahuvvon doarjjačuozáhagaide sáhtálii oaččut doarjaga dušše ovtta ráhkadusdoarjagii guoskevaš lága vuođul. Nuortalašlágas ásahuvvon doarjjačuozáhagaid sirddále de iežá láhkaásaheapmái. Nuortalašláhkii ásahuvvole maid njuolggadusat reantodoarjjaloanain ja stáhtadoarjagiin.
Sihke POLURA- ja nuortalašlágas sihkkojuvvole eret eaktodáhtolaš vealgeordnestahkii guoskevaš njuolggadusaid. Guktot lágaide ásahit maid njuolggadusaid, mat dahket doarjagiid elektrovnnalaš ohcama vejolažžan.