Disdat lea árktalaš guovllu beaivi ON Parissa dálkkadatčoakkáma (COP21) álgoálbmotpaviljoŋŋas.
Prográmmas leat máŋga sámi oasi. Beaivi álgá jagis 2007 dahkkon dokumeantain Last Yoik in the Saami Forests, mii muitala Meahci-ráđđehusa ja sámiid gaskavuođain. Dan maŋŋel lea ságastallan, mas Suoma sámedikki ovddasteaddjit muitalit dálá dilis Sámis. Veaigin dollo bargobádji Gulahallat eatnamiin -luođis. Eahkedis lea Elle Márjá Eira konsearta.
Prográmmas lea maid panelaságastallan árktalaš dálkkadatdieđus ja čovdosiin. Sámiid ovddasta Sámiráđi presideanta Áile Javo . Panelaságastallan álgá Sofia Jannok dálkkadatságastallanfilmmain, mii lea govviduvvon duvle Ted X –dilálašvuođas.
Álgoálbmotpaviljoŋŋa lea okta oassi COP21-čoakkáma. Paviljoŋŋas lágiduvvojit omd. iešguđet guovlluid temábeaivvit. Dat lea rabas 30.11.- 11.12.2015.
COP21-čoakkáma ulbmilin lea vuolláčállit čatni álbmogiidgaskasaš dálkkadatsoahpamuša.