Ovttastuvvan našuvnnaid (ON) álgoálbmogiid rivttiid sierraraporterejeaddji Victoria Tauli-Corpuz lea addán borgemánus raportta ON olmmošriektekomiteai sámiid álgoálbmot- ja olmmošrivttiid ollašuvvamis Suomas, Norggas ja Ruoŧas. Son lea árvvoštallan raporttastis sámiid dili iešguđet riikkas ja addán juohke riikii sierra ávžžuhusaid got sámiid dili galggalii buoridit ee. láhkaásaheami bokte.
Son gidde Supmii guoskevaš oasis erenomáš fuomášumi ee. sámedigge- ja meahciráđđehusláhkii.
Tauli-Corpuz ávžžuha Suoma stáhta rahpat ođđasit ráđđádallamiid Sámedikkiin sámediggelága dárkkisteamis ja ovttasbargguin hábmet loahpalaš ja oktasaččat dohkálaš evttohusa mii sisttisdoalalii maid kriteraid dasa gii sáhttá dohkkehuvvot Sámedikki válgalogahallamii.
- Munnje boahtán dieđuid jelgii sápmelašmeroštallama kriterat lea mearriduvvon ilmmá Sámedikki dohkkehusa ja Alimus hálddahusriekti lea maŋemus áiggiid bargan ruossalas dulkojumiid dain kriterain, oaivvilda Tauli-Corpuz raporttastis.
Tauli-Corpuz cuiggodii juo diibmá Suoma ođđa meahciráđđe-huslága ásahanproseassas.
- Galgá sihkkarastit, ahte meahciráđđehuslága heiveheapmi ii heajut sámiid olmmošrivttiid. Sámediggi, Nuortalaččaid giličoakkán ja iežá sámi servošat galget oažžut nannosut sajádaga dákkár proseassain, oaivvilda Tauli-Corpuz raporttastis.
Tauli-Corpuz ávžžuha Suoma maid dárkkistit boazodoallolága ja dorvvastit sámi boazodollui sierranas suoji. Su oainnu mielde Suoma stáhta galggalii maid ovttasbargguin Sámedikkiin árvvoštallat manin ruvkelága heiveheapmi ii gozihuvvo doarvái beaktilit ja galggaliigo juoidá dahkat, ahte dilli rievdá dan ektui.
- Suopma galggalii maid dorvvastit, ahte sámegielaid ealáskahttinprográmmii boađálii doarvái buorre ja guhkesáigásaš ruhtadeapmi ja ahte dan heiveheapmi árvvoštallojuvvo jahkásaččat ja reporterejuvvo ON olmmošriek-teorgánaide, son oaivvilda.
Raportti ihmisoikeuskomitealle
YK:n alkuperäiskansojen erityisraportoija Victoria Tauli-Corpuz kiinnittää YK:n ihmisoikeuskomitealle antamassaan raportissa erityistä huomioita saamelaiskäräjälain saamelaismääritelmään ja metsähallituslain soveltamiseen.
Tauli-Corpuz selvitti raportissaan saamelaisten alkuperäiskansa- ja ihmisoikeuksien toteutumista Suomessa, Ruotsissa ja Norjassa. Raportissa on suositukset miten saamelaisten asemaa tulisi parantaa.