Helssega gávpot ohcá diibmooahpaheaddji guovttegielat suoma- ja sámegiela oahpahussii Pasila vuođđoskuvlii 1.-3. luohkáide. Ohcanáigemearri lea 29.4.20 dii 15 rádjái.
– Pasila vuođđoskuvllas Helssegis lea álgán guovttegielat oahpahus čákčát 2018. Dalle mis lei lihku go oažžuimet sámegielat oahpaheaddji deike min lusa, muitala skuvlla rektor Maria Uutaniemi.
Dál lea oahpaheaddji virgi fas ohcanlahkái.
– Guovttegielat oahpahus lea 5-jahkásaš prošeakta ja mii sávvat ahte dat šattašii bistevažžan. Mis leat dál guhtta oahppi luohkáin 1.-3. ja dasa lassin maiddái ovdaskuvla. Doppe mis lea sámegielat ovdaskuvlaoahpaheaddji. Vuođđoskuvla ja ovdaskuvla bargaba hui olu ovttas.
Oahpahus lea sámegillii earret muhtin fágain, lohká Uutaniemi.
– Mii leat nu rámis go diibmá 2019 oažžuimet Sámedikkis Sámi gielladahkku -bálkkašumi. Mii leat bargan áŋgirit ovddidit guovttegielat oahpahusa min skuvllas. Mii leat čájehan ahte gávpogis maid sáhttá geavahit sámegiela, eallit sápmelažžan ja oahppat kultuvrra, illuda Uutaniemi.
Soađegilis ja Eanodagas rabas virggit
Soađegili gielda lea almmuhan gaskabottosaš sámegiela oahpaheaddji virggi áigodahkii 3.8.2020 - 4.6.2021 giellabeasis. Sisabeassangáibadussan lea davvisámegiela dáidu. Ohcanáigemearri lea 27.4.20 dii 14 rádjai.
Eanodaga gielddas lea rabas árrabajasgeassima oahpaheaddji bistevaš virgi. Bargosadji lea Beaiveruoktu Rievssat. Ohcanáigemearri lea 1.6.2020 dii 15 rádjai.
Eanet dieđut virggiid birra gávdno njuolga bargoattiin.
Saamen kielen opettajan virkoja avoinna Helsingissä, Sodankylässä ja Enontekiöllä
- Helsingissä on avoinna päätoiminen tuntiopettajan virka kaksikielisessä opetuksessa (saame-suomi). Hakuaika on 29.4. klo 15 saakka. Työpaikka sijaitsee Pasilan peruskoulussa.
- Sodankylän kunta hakee saamen kielen opettajan sijaista ajalle 3.8.2020 – 4.6.2021. Hakuaika loppuu 27.4. klo 14.
- Enontekiön kunnassa on avoinna saamen kielisen lastentarhanopettajan virka. Ensisijaisena sijoituspaikkana on Päiväkoti Riekko. Hakuaika on 1.6.2020 klo 15
- Lisätietoja avoinna olevista viroista saa suoraan työnantajilta
