Sámedikki stivra mearridii otne, ahte ođđa sámedikki ortniiduvvančoakkán dollojuvvo 23.02.2016. Sámedikki stivra gulai áššis áššedovdin čakčat válljejuvvon ođđa sámedikki boarráseamus áirasa Kari Kyrö , gii maid ieš evttohii, ahte ortniiduvvančoakkán dollojuvvolii dalle.
Sámediggelága jelgii válgajagi áigge ságadoalli ja iežá áirasat doibmet barggustis dan rádjái go ođđa stivra lea válggaid maŋŋel válljejuvvon. Sámedikki bargoortnega jelgii ođđa sámedikki vuosttaš čoakkáma bovde čoahkkái sámedikki boarráseamus áirras, gii doaibmá maid čoakkáma ságadoallin dan rádjái go ságadoalli lea válljejuvvon.
Sámedikki stivra dohkkehii otná čoakkámis maid ortniiduvvančoakkáma áššelisttu. Ortniiduvvančoakkámis válljejuvvojit ságadoalli lassin earret eará áirasat sámedikki stivrii ja lávdegottiide. Dálá sámedikki stivra doallá vel goit telefovdnačoakkáma, mii lea 02.02.2016.