Norgga Sámi ođđa ofelaččat Elle Káre Somby , Elle Mari Dunfjell Oskal , Lisa Kaisa Skoglund ja Maien Gaup Sandberg leat dán vahku álggahan diehtojuohkindoaimma masa sii leat ráhkkanan olles čavčča.
Vuosttas skuvla, gos sii gallede lei Lillestrøm joatkkaskuvla.
- Vuosttaš skuvlaguosasteapmi lea erenoamáš daningo mii leat hárjehallan ovdanbuktimiid olles čavčča ja dál viimmatge beassan álggahit dan masa leat illudan, johtit ja deaivat nuoraid miehtá Norgga, lohká kárášjohkalaš Lisa Kaisa Skoglund.
Sámi allaskuvla doaimmaha ofelašdoaimma ja Norgga gieldda- ja ođasmahttindepartemeanta ruhtada dan. Ofelaččat čađahit oahpu Sámi allaskuvllas man namma lea “sámi kultuvrra- ja servodatdiehtu". Oahpuid čađaheami maŋŋel sii álget johtit joatkkaskuvllain ja eará skuvllain ja organisašuvnnaiguin miehtá Norgga juohkindihte dieđuid sámi kultuvrra ja servodaga birra.
Gáldun: Samiskeveivisere.no