Ohcejohkalaš sámedikki áirras ja jurista Anne Nuorgam lea válljejuvvon Ovttastuvvan našuvnnaid (ON) álgoálbmotáššiid bissovaš foruma (UNPFII) lahttun badjái 2017-2017.
UNPFII:s leat aktiibuot 16 lahttu. Dain stáhta evttoha ja ON ekonoma- ja sosiálaráđđi (ECOSOC) namuha gávcci ja nuppi gávcci namuha ECOSOC presideanta álgoálbmotorgánaid evttohusa vuođul.
Sápmelaččain UNPFII lahttun leat ovdal leamašan Ole Henrik Magga ja Lars- Anders Baer . Árktalaš guovllus, man sámit ja inuihtat ovddastit, lea akta lahttobáiki UNPFII:s.
UNPFII čoahkkana jahkásaččat. Dat lea ECOSOC ráđđeaddiorgána. UNPFII:s ságastallet álgoálbmogiid ekonoma- ja sosiálagárggiideamis, kultuvrras, birrasis, oahpahusas, dearvvašvuođas ja olmmošrivttiin. UNPFII addá ságastallamiid vuođul ávžžuhusaid ON sierra orgánaide ja lahttoriikkaide.
Gáldun: www.un.org