Filbmabagadalli Nils Gaup ođđa filbma Birkebeinere lei jo ovdal vuosttaseahkeda vuvdon 60 riikii. Bagadalli sávvá, ahte filbma menestuvva bures.
- Dovdu lea hui buorre. Dat lea buorre, go olbmot liikojit dakkár ođđa mállet vugiin ráhkaduvvon filmmain. Ii galgga leat nu čáhppat ja lossat. Galgá lea geahppaseabbot ja olbmot sáhttet mannat geahččat dan ja doppe oidnet govaid, maid eai leat oaidnán ovdal. Mun jáhkán olgoriikalaččat eai leat oaidnán nu olu sabet- ja muohta-actiona. Sidjiide lea dát áibbas ođđa vuohki ja ođđa govat, Gaup árvvoštallá NRK Sápmái.
Filbma govvida jagi 1204 go Norggas lea sisriikkasoahti. Go gonagas Håkon Sverresson jápmá imašlaččat, de jáhkket buohkat, ahte gonagassohka nohká. Muhto dan eai diehtán, ahte gonagasas lea árbbolaš, jahkásaš bártnáš. Birkebeinernet geahččalit gaddjut dán bártnáža, gean muhtin olbmot geahččalit goddit.
Go Gaup bivdá buohtastahttit su beakkán filmma Ofelaš, mii lea ilbman jagis 1987 ja ođđa filmma Birkebeinerne, dadjá son ná.
- Dat leat vehá čanastumit, muhto Ofelaš-filbma lea eambbo action ja noaidevuohta. Birkebeinerne lea action ja politihkka. Dat lea politihka birra, daningo dat lea gonagasbártni birra. Håkon Håkonsson šattai hui dehalaš gonagas Norgii, Gaup muitala.
Gaup lea ovdal bagadallan maid ee. Hollywood-čájahalliguin bargon The North Star -filmma jagis 1996 ja jagi 1854 Guovdageainnu stuimmiin muitaleaddji Kautokeino oppröret -filmma jagis 2008.
Gáldun: NRK Sápmi
