Niko Näkkäläjärvi Neakkelis vuittii Anáris Ijahis idja -festivála áigge dollon valáštallangilvvuin sihke dievdduid suohpan sprint- ja njoarostangilvvu. Nissoniid suohpan sprint vuittii Elen Anne Sara Sálleváris ja njoarostangilvvu vuohon Piia Magga Muotkeduoddaris.
Nubbin dievdduid suohpan sprint -gilvvus bođii Aslak Satokangas Sálleváris ja goalmmádin Petri Mattus Bátneduoddaris. Njoarostangilvvuin nubbin bođii Taneli Magga Muotkeduoddaris ja goalmmádin Nils-Heikki Paltto Sálleváris. Nubbin nissoniid suohpan sprint -gilvvus bođii Marjinga Sara Sálleváris ja goalmmádin Anni Magga-Eira Sálleváris. Njoarostangilvvus nubbin bođii Elen Anne Sara ja goalmmádin Magreta Sara Sálleváris.
Valáštallangilvvut lágiduvvoje dál vuosttaš geardde Ijahis idja -festivála aktavuođas. Gilvobáikin lei sámekulturguovddáš Sajosa šiljus. Maiddái mánáin lei iežas suohpan sprint -gilvu.