Camera Borealis -festivála dollojuvvo 20.-22.11.2015 ja lea 19. geardi go dat ordnejuvvo. Festivála teman lea dán jagi "Myhtat ja eatnamat".
Camera Borealis álggahuvvo bearjadaga Latvavesillä-filmma vuosttaseahkediin. Filbma muitala Aimo ja Tuomas Leppäkangas ja sudno beatnaga Hilla meahccevádjoleamis. Filmma lea bagadallan ja doaimmahan Tapio Tynys .
Lávvardaga prográmma álggahuvvo mátkegovvádusain eananjorbalasa lulimus oasis Antarktisis. Timo Halonen lea anárlaš meahcceofelaš, gii ollašuhtii niegus ja oassálasttii 15 beaivásaš Antarktisa govvenmátkái.
Tarja Länsman lea orron Ohcejogas badjel guoktelogi jagi ja lea geargan johtit govvenapparáhtain máŋggalágan eatnamiid čađa. Lávvardaga lea vejolaš oaidnit Länsmana guokte govvačájáhusa: Sámeeatnama gávcci jagiáiggi ja Davvialmmi guovssahasat.
Govvadáiddára, luonddugovvejeaddji ja girječálli Heikki Willamo movttiidahttet boares vuvddiid eallin, dološ báktedáidda ja govaide gullevaš myhtat. Festiválas lea vejolaš oaidnit Willamos guokte čájáhusa, mat leat čohkkejuvvon čáhppesvilges govain.
Lávvardaga čájehuvvo "Vuosi metsässä", mas muitaluvvo, mo gávdnat meahccái fas, mo sáhttá muosálaččat orustit meahcis ja mo de go šaddá addit eret ja massit – de dalle eallima ja jápmima molsašuddamis. Sotnabeaivvi gullat myhtain ja myhtalaš ealliin - sarvva, biertna ja gotti birra. Máidnasis johtit Davvi-Norgga eamiduovdagiid ja lullisuopmelaš vuvddiid gaskka.
Boaresvuvddiid gonagasloddi lea álo mearkkašan olu anárlaš luonddugovvideami ámmátolbmui Martti Rikkosii . Rikkonen lea čuvvon ja govven čuvččaid olu, muhto moatti maŋemuš jagi áigge vuosttas háve Koilliskairas.
Sotnabeaivve lea Antti Haataja sáhkavuorru. Son govve rievddadeaddji duottarluonddu ja Jiekŋameara. Haataja čájáhus doalvu gehččiid maid njálaid ja jievjaskulffiid eatnamiidda
Govvejeaddjit Ari-Matti Nikula ja Irma Varrio leaba movttiidan govvet davvi luonddu ovttas. Sudno oktasaš fotogovvaprojeakta lea Northern Impressions, mas davviguovlluid luonddu oahpes fáttát ovdanbuktojit miellagovvan.
Biologa ja luonddugovvejeaddji Tuija Warén buktá Camera Borealisii muitalusa Merenkurkku (Mearrabađaluovtta baskkádat) juovaid ja geđggiid birra.
Sotnabeaiveaiggi álggus geahčadit mánáid fotogovvengilvvu govaid ja bálkkašit buoremus govaid. Dan maŋŋel čájehuvvojit mánáid sámegielat filbmaleairra áigge dahkkon filmmaid.
Camera Borealis lea luonddugovvafestivála, mii dollojuvvo jahkásaččat ja Meahciráđđehusa Davvi-Sámi luondduguovddáš Siida ordne doaluid.
Gáldun: Lundui.fi