Musea lokte nuor­ta­laš­gie­la ja kul­tuvr­ra

Jos leat veháge beroštuvvan nuortalaččaid historjjás ja das mo dološ siiddat doibme, de gánneha fitnat Njeavdamis Ä´vv Saaʹmi Muʹzeias .

–Olbmot leat váldán musea nu bures vuostá ja leat fidnen buori máhcahaga čájáhusas, lohká museahoavda Honna Havas .

Ođđa musea čájáhus lea buorre čađačuohpus dološ áigge olbmuid bargguid birra ja gos olbmot johte iešguđege muttus jagi. Čájáhusa kárttain oaidná hui čielgasit man vearrádit rádjageassimat leat áiggiid čađa váikkuhan nuortalaččaide.

Lassin čalbmái lea vuogas oaidnit ahte čájáhusa váldogiella lea nuortalašgiella ja teavsttat leat lassin dáro-, suoma-, ruošša- ja eaŋgalasgillii.

Čakčat museas lágidišgohtet temábeivviid lávvardagaid oktii mánus. Mirva Haataja lea giellaprošeavtta bargi ja son jođihišgoahtá temábeivviid.

–Mii almmuhit beivviid birra musea Facebook-siiddus, de ávžžuhan čuovvut daid, cavgila Havas.

Nuortalaš kulturfoanda lea álggahan Täʹlvvsijdd -prošeavtta, man ulbmilin lea fidnet Čeavetjávrái kulturdálu, masa čohkkejit iešguđege lágan doaimmaid. Dállui orru leamen duođalaš dárbu, go omd. searvegoddesále lea leamaš geavahangildosis ja gieskat leat mearridan gaikkodit dan.

–Mii duođas dárbbašit báikki gos čoahkkanit go eai áiggo hukset šat ođđa searvegoddesále, deattuha foandda áššealmmái Mari Korpimäki .

Täʹlvvsijdd -kulturdálu ruhtadeapmi lea ain rabas ja Korpimäki mielde sii álget čavčča mielde ođđasit loktet ášši ovdan, vai ruhtadeapmi ordnašuvašii.

–Dárbbašit buot doarjaga ja veahki mii leš, ja váldit vuostá skeŋkemiid nu priváhtaolbmuin ja fitnodagain, čilge Korpimäki.

(Joatkašuvvá gova vuolde.)

Árbevierrodálus lea čájáhus ja olgomusea.
Árbevierrodálus lea čájáhus ja olgomusea.
Kuva: Outi Paadar

Jurdda leage ahte Saaʹmi äʹrbbvuõttpõõrta nappo árbevierrodállu ja dan birrasa olgovisttit šattašedje Täʹlvvsijdd -kulturdálu olgomusean.

Äʹrbbvuõttpõõrta buohta nuppe bealde geainnu, tuâjjpõrttas lea duojáriid geassečájáhus gos beassá oastit dujiid. Doppe sáhttá oastit ain Pro Sevettijärvi t-báiddiid.

–Dat t-báiddit eai leat šat eanet, nu ahte dat gii áiggoš diekkár t-báiddi ferte doapmalit oastit dakkára, loahpaha Korpimäki.

Dákkár mearka sávvá olbmuid bures boahtán Čeavetjávrái.
Dákkár mearka sávvá olbmuid bures boahtán Čeavetjávrái.
Kuva: Outi Paadar
Čeavetjávrri gilidálus, tuajjporttas lea geassečájáhus, gos sáhttá oastit dujiid.
Čeavetjávrri gilidálus, tuajjporttas lea geassečájáhus, gos sáhttá oastit dujiid.
Kuva: Outi Paadar

Ävv Saaʹmi Muʹzei http://www.skoltesamiskmuseum.no/

Nuortalaš kulturfoanda http://www.kolttasaamelaiset.fi/

Saaʹmi äʹrbbvuõttpõõrt Siida.fi -siiddus

Sää´mjie’llem, Siida.fi -siiddus http://www.samimuseum.fi/saamjiellem/flash/index.html

Saa'mi Nue'tt searvi http://www.saaminuett.fi/

Tästä on kyse

Kolttamusea nostaa kielen ja kulttuurin esille

Neidenin Ä'vv kolttamuseo on saanut hyvän vastaanoton, iloitsee museojohtaja Honna Havas. Se on kulttuurihistoriallinen museo, joka toimii kolttasaamelaisen historian ja nykypäivän parissa. Syksyllä museolla käynnistyvät teemalauantait, joita vetää kielihankkeen vetäjä Mirva Haataja.

Sevettijärvelle on suunnitteilla Talvikylä -monitoimitalo, joka tulee olemaan elävän kolttakulttuurin keskus. Kolttakulttuurisäätiön asiamiehen Mari Korpimäen mukaan talolle on tarvetta, koska seurakuntasali puretaan eikä tilalle rakenneta uutta.