Riekteministeriija lea plánen dárkkistuhttit sámediggelága dán jagi áigge. Riekteministeriija dieđiha neahttasiidduinis láhkii plánejuvvon rievdadusain, mat guoskale earret eará sámedikki hálddahuslaš bargui ja jienasteami čađaheapmái.
- Eandalii girjedoallo- ja ruhtadoalloloahpaheapmái-, sámediggeválggaid geavatlaš čađaheapmái- ja nuppástusohcamii guoskeva ásahusat leat oasil boarásnuvvan ja daid lea váttis ollašuhttit geavadis. Leat maid ákkat viiddidit rihkuslága virgerihkkosiidda guoskevaš njuolggadusaid guoskat maid sámedikki virgeolbmuide, muitaluvvo riekteministeriija dieđáhusas.
Alimus hálddahusriekti (AHR) lea dulkon sámedikki virgeoapmahaš sajádaga álo dáhpáhusa jelgii. AHR ovtta čovdosis, mas lea gažaldat virgeoapmahačča váidinrievttis duopmostullui birasáššis, sámediggi ii gehččojuvvo virgeoapmahažžan. Nuppedáfus AHR nuppi čovdosis, mas oktan ássin lea gažaldat virgeoapmahačča geatnegasvuođain máksit riektegeavvangoluid, geavahuvvojit dakkár sátnehámit, ahte sámediggi gehččojuvvo virgeoapmahažžan.
Riekteministeriijja virgeolmmoš Satu Kaskinen muitala, ahte sámediggi ii leat virgeoapmahaš iige leat oassin stáhtahálddahusa. Dát seammá diehtu lea maid riekteministeriija ruovttosiidduin.
Kaskinen ii goitge hálit váldit beali dasa, ahte masa rihkuslágas meroštallon virgerihkosiidda guoskevaš njuolggadusaid ásaheapmi sámediggeláhkii vuođđuduvvá, juos sámediggi ii leat virgeoapmahaš. Son ii maid hálit váldit beali dasa, ahte gusketgo rihkuslágas ásahuvvon rihkusrievttalaš ovddasvástádusat olbmuid geat dikšot áššiid sámedikkiin earret eará, juos lea gažaldat omd. boastto duođaštusa addimis virgeoapmahaššii.
- Duopmostuolus lea doaibmaváldi heivehit lágaid ovttaskas dáhpáhusain. Virgeolbmo rihkusrievttalaš ovddasvástádusaide guoskevaš njuolggadusaid vejolaš ásaheapmái váldojuvvo beali easka dalle go ášši boahtá áigeguovdilin, muitala Kaskinen.
Lakia pyritään tarkistamaan
Oikeusministeriön mukaan saamelaiskäräjälakia pyritään tarkistamaan tämän vuoden aikana. Tarkoitus olisi nyt tehdä muutoksia mm. saamelaiskäräjien hallinnolliseen työhön ja vaalisäännöksiin.
- Erityisesti kirjanpito- ja tilinpäätössäännökset, saamelaiskäräjävaalien käytännön toteuttamista koskevat säännökset ja muutoksenhakusäännökset ovat osin vanhentuneita tai käytännössä vaikea toteuttaa, tiedottaa oikeusministeriö.