Lappi oazžu iežas guovlo-tv-ođassáddaga Yles.
Lappi tv-ođđasat oidnogohtet gaskavahku skábmamánu 18. beaivve. Tv-ođassáddagat oidnojit Lappi guovllus Yle TV1:žis oassin diibmu 17.00 ja 18.00 ođaspakeahtaid.
Lappi tv-ođassáddaga áššit buvttaduvvojit miehtá Lappi, muhto studiolágideapmi báddejuvvo Tampere Mediapolisis.
- Lappi iežas ođđasiid álggaheapmi addá midjiide vejolašvuođa fállat lappilaš sisdoalu, mii lea lagabus go ovdal. Mii muitalit dás duohkoge maid iežá davimus Suoma beroštahtti ođđasiid. Maid min eanangotti álbmogiidgaskasašvuohta oidno: mii geahččat juohke guvlui ja čuovvut eallima min ránnjáriikkain, muitala Yle Lappi ja Yle Perämeri hoavda Eero Säily. Lappi tv-ođđasat leat jagi 2000 rájes oidnon oassin Davvi-Suoma tv-ođassáddaga. Das leamašan mielde ođasáššit ee. Lappis, Oulus ja Kainuus.
Dál Lappi oažžu áibbas iežas sáddaga. Muhto maid Davvi-Suoma ođđasat seilot. Dain oidnojit áššit dušše Oulus, Kainuus ja Davvi-Nuortabađaeatnamis.
Lappi ođđasiin leat mielde leat maid sámi ođđasat. Tv-ođassáddaga buvttadit ovttasbarggus Yle suomagiel doaimmahusat Yle Lappi ja Yle Perämeri sihke sámegiel Yle Sápmi.
Sámegiel Yle Ođđasat joatkašuvvet dego ovdalge diibmu 15.10 Yle TV1:žis ja Ođđasat diibmu 20.45 Yle Fem -kanálas. Yle Ođđasat báddejuvvojit Anáris maid boahtteáiggis eaige leat sirdašuvvamin Tampere Mediapolisii.