Ovttain guolástanmávssuin sáhttá boahttevuođas guolástit olles Suomas.
Ođđa guolástanláhka boahtá fápmui jagi 2016 álggus ja guolástanlohpeortnet šaddá oktageardánabbon.
- Čielgasamos nuppástus lea, ahte guolástandikšunmáksu ja leatnaguovdásaš guolástanmávssut ovttastuvvet, Meahciráđđehus dieđiha.
Ođđa ovttastuvvon mávssu namma lea guollenáliid dikšunmáksu.
- Guollenáliid dikšunmávssuin sáhttá guolástit ovttain stákkuin buot čázádagain, maidda ovdal lea dárbbašan muhtun leatnaguovdásaš vuoggabivdomávssu.
Guollenáliid dikšunmávssu mákset buohkat 18 - 64-jahkásaš guollebivdit. Mávssu ii dárbbaš máksit jus bivdá giehtaváđuin, máhtovuokkain dahje nu daddjon. sallitvuokkain.
Guollenáliid dikšunmávssu sáhttá oastit olles jahkái 39 euroin, čieža jándorii 12 euroin dahje jándorii viđain euroin.