Eurohparievtti áššedovdi Markku Kiikeri váldá Vuođđoláhkabloggas beali nággui ođđa sámediggeválggaid lágideames.
Kiikeri árvvoštallá, ahte sámedikki stivra lea dál šaddán duođalaš konfliktii alimus hálddahusrivttiin, go dohkkehii válggain dahkkon váidagiid ja mearridii lágidit ođđa válggaid. Su mielas dákkár dili eai leat ovdal oaidnán ja son veardida dan vuođđoláhkaheahtedillái.
Markku Kiikeri lea vuoigatvuohtadiehtaga doavttir, eurohparievtti universitehttaoahpaheaddj Lappi universitehtas, dutki, doseanta, jurista ja friija čálli.
Bloggačállosisttis Kiikeri suokkardallá mo institušuvnnaid sáhtálii gárgehit nu, ahte dákkár konflivtta basttálii eastadit ja čoavdit boahtteáiggis.
- Mo suopmelaš láhkaásaheami, sámediggelága ja dan váidinortnega, sáhtášii gárgehit?, Kiikeri jearrá ja buktá ovdan golbma evttohusa.
Oktan čoavddusin son evttoha muhtinlágan mearridanmekanismma, man hukselii álbmogiidgaskasaš rievtti vuođul. Geavatlaččat dát sáhtálii leat orgána, man bargun lea čoavdit juridihkalaš váidagiid.
- Oktan molssaeaktun livčče hukset ovdamearkan dakkár juridihkalaš váidagiid čoavdinmeannudeami, mas juridihkalaš mearrádusa dagašii orgána, mas leat sápmelaš duopmárat ja eará duopmárat, Kiikeri čállá.
Su guokte eará molssaeavttu leat ráđđeaddi “sámi duopmostuollu" mii ii mearridivčče maidege dahje soabadallanmeannudeapmi, mas sámiin livčče eanetlohku.
Markku Kiikeri čalmmustahttá maid, ahte čoavdinmekanisma galggašii váldit vuhtii báikkálaš perspektiivvaid.
Son čujuha eurohpalaš riektevuogádagaide, main leat bastán váldit vuhtii báikkálaš oainnuid. Dat lea váldojuvvon vuhtii nu, ahte oassebealleriikka duopmár lea mielde čoavdimin áššiid.
- Nationála duopmár lea dávjá buoret sajádagas mearridit áššiin go eurohpalaš duopmár. Eurohpalaš duopmostuoluid mearrádusat ožžot dávjá geavatlaš vuoigadahttima namalassii das, ahte riikka nationála duopmár lea oassálasttán mearrádusaid dahkamii, Kiikeri dadjá.
Eurooppaoikeudesta ratkaisu?
OTT Markku Kiikeri pohtii blogikirjoituksessaan kansainvälisten oikeusjärjestelmien pohjalta päätöksentekomekanismeja, joilla voitaisiin ehkäistä ja ratkaista KHO:n ja saamelaiskäräjien hallituksen päätöksistä syntynyttä tilannetta.
Hän pohtii mm. valitusten ratkaisumenettelyä, jossa oikeudellisia päätöksiä tekisi saamelaisista ja muista tuomariedustajista koostuva elin.
Blogikirjoitus osoitteessa perustuslakiblogi.wordpress.com.